جموں و کشمیر کو مکمل ریاست کا درجہ بحال کرنے کا مطالبہ کرتے ہوئے سپریم کورٹ میں ایک عرضی دائر کی گئی ہے۔ یہ درخواست کالج کے استاد ظہور احمد بھٹ اور کارکن خورشید احمد ملک نے دائر کی ہے۔ عرضی میں کہا گیا ہے کہ سپریم کورٹ دو ماہ کی مدت کے اندر مرکزی حکومت کو جموں و کشمیر کی مکمل ریاست کا درجہ بحال کرنے کی ہدایت کرے۔ سپریم کورٹ نے مرکزی حکومت کی طرف سے پیش ہوئے سالیسٹر جنرل تشار مہتا سے اپنا موقف واضح کرنے کو کہا تھا۔
جس پر سالیسٹر جنرل نے عدالت کو یقین دلایا تھا کہ جموں و کشمیر کو مکمل ریاست کا درجہ بحال کیا جائے گا۔ لیکن جموں و کشمیر سے آئین کے آرٹیکل 370 کو منسوخ کرنے کے معاملے میں سپریم کورٹ کے فیصلے کے 11 ماہ گزرنے کے بعد بھی مرکزی حکومت نے سابق ریاست کی حیثیت کو لے کر کوئی قدم نہیں اٹھایا ہے۔ مرکزی حکومت نے سپریم کورٹ کو یہ بھی بتایا تھا کہ جموں و کشمیر کو مرکز کے زیر انتظام علاقہ بنانے کا فیصلہ مستقل نہیں ہے۔ ایس جی تشار مہتا نے کہا تھا کہ جب جموں و کشمیر میں حالات معمول پر آئیں گے تو ریاست کا درجہ بحال ہو جائے گا۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
