ادھیررنجن کی معطلی کے معاملہ پر ملکا ارجن کھر گے کا بیان
Parliament Monsoon Session 2023: لوک سبھا میں کانگریس کے لیڈر ادھیر رنجن چودھری کی معطلی کا معاملہ راجیہ سبھا میں بھی اٹھایا گیا۔ راجیہ سبھا میں قائد حزب اختلاف ملکارجن کھرگے نے جمعہ (11 اگست 2023) کو کہا کہ آپ نے ہمارے لیڈر کو نیرو مودی کا نام بولنے پر معطل کیا، اب ااپ ہی بتائیں کے اتنی معمولی اور چھوٹی بات پر کون معطل کرتا ہے؟
راجیہ سبھا میں قائد حزب اختلاف ملکارجن کھرگے نے کہا کہ ایوان میں بحث کے دوران اگر کوئی رکن پارلیمنٹ غیر پارلیمانی الفاظ استعمال کرتا ہے تو اسے وہاں روکا جانا چاہئے۔ ان کے الفاظ پر اعتراض بھی کیا جا سکتا ہے لیکن آپ نے ہمارے لیڈر کو لوک سبھا میں معطل کر دیا ہے۔ نیرو کا مطلب ہے خاموش،امن لیکن آپ نے اسے اتنی چھوٹی بات پر معطل کر دیا۔
#WATCH | LoP in Rajya Sabha Mallikarjun Kharge raises the issue of the suspension of Leader of Congress in Lok Sabha Adhir Ranjan Chowdhury; says, “…He has been suspended on a flimsy ground. He just said ‘Nirav Modi’. Nirav means calm, silent. You suspend him over that?…” pic.twitter.com/La3xjqHpcD
— ANI (@ANI) August 11, 2023
کانگریس رکن پارلیمنٹ ادھیر رنجن کی معطلی کو لے کر کانگریس اور اپوزیشن اتحاد’انڈیا’ اور این ڈی اے کے درمیان سیاسی رسہ کشی جاری ہے، کانگریس سمیت دیگر اپوزیشن پارٹی اسے نامناسب قراردے رہی ہے تو وہیں اس معاملہ پر بی جے پی کے رہنما یہ کہ رہے ہیں لوک سبھا کے صدر کو یہ اختیار ہے کہ نامناسب الفاظ کے اسعتمال پر کسی بھی پارٹی کے رکن پارلیمنٹ کو معطل کرسکتے ہیں ۔ وہیں اس معاملہ پر ایوان سے معطل کئے گئے رکن پارلیمنٹ ادھیر رنجن چودھری نے کہا کہ ہم نے کسی پر ذاتی حملہ نہیں کیا ہے،ہم نے کسی کی توہین نہیں کی ہے،ہم نے منی پور کا معاملہ ایوان میں اٹھایا تھا ۔
بھارت ایکسپریس۔
