ہندوستان اور پاکستان کے درمیان آج شام سے جنگ بندی ہو گئی۔ حالانکہ وزارت خارجہ کے ذرائع کا حوالہ دیتے ہوئے کچھ میڈیا رپورٹس میں بتایا گیا ہے کہ جنگ بندی کے باوجود ’سندھو آبی معاہدہ‘ معطل رہے گا۔ ذرائع کا کہنا ہے کہ پاکستان کے ذریعہ ہندوستان سے رابطہ کیے جانے کے بعد ہندوستان اور پاکستان کے درمیان جنگ بندی پر اتفاق قائم ہو گیا۔ اس میں کوئی بھی پیشگی شرط یا بعد کی شرط نہیں لگائی گئی ہے۔ سندھو آبی معاہدہ معطل ہے اور دہشت گردی پر ہندوستان کی پوزیشن حسب سابق ہے۔
India and Pakistan reached an understanding after the Pakistan side reached out to India. There are no pre-conditions and post-conditions. Indus Water Treaty remains in abeyance. And all other measures remain suspended. India’s position on Terrorism remains the same: MEA Sources
— ANI (@ANI) May 10, 2025
دی ہندو کی خبر کے مطابق پاکستان نے بھارت کے ساتھ جنگ بندی کے اعلان کے فوراً بعد تمام قسم کی فضائی آمدورفت کے لیے اپنی فضائی حدود کھولنے کا اعلان کر دیا ہے۔ ہفتے کے روز (10 مئی 2025) پاکستان ایئرپورٹس اتھارٹی (PAA) نے یہ اعلان کیا، جو اس بات کی علامت ہے کہ بھارت کے ساتھ کشیدگی کے خاتمے کے بعد پاکستان میں معمولاتِ زندگی بحال ہو رہے ہیں۔ پاکستان ایئرپورٹس اتھارٹی نے کہا: “ملک کے تمام ہوائی اڈے معمول کی پروازوں کے لیے دستیاب ہیں۔ مسافروں سے گزارش ہے کہ وہ اپنی پروازوں کے تازہ ترین شیڈول کے لیے متعلقہ ایئر لائن سے رابطہ کریں۔” اتھارٹی کے مطابق، پاکستان کی فضائی حدود ہر قسم کی پروازوں کے لیے مکمل طور پر بحال کر دی گئی ہے، اور تمام ہوائی اڈے معمول کے فلائٹ آپریشنز کے لیے کھلے ہیں۔
#Pakistan announced on Saturday that it was opening its airspace for all kinds of traffic, shortly after the announcement of a ceasefire with India. Pakistan Airports Authority (PAA) made the announcement as apparently normalcy returns to the country after the raging tension with… pic.twitter.com/sH1Ad2pJyr
— Economic Times (@EconomicTimes) May 10, 2025
اس سے قبل آج شام ہندوستانی وزارت خارجہ کے سکریٹری وکرم مسری نے اس بات کی تصدیق کی کہ ہندوستان اور پاکستان کے درمیان جنگ بندی پر اتفاق قائم ہو گیا ہے۔ مسری نے کہا کہ دونوں ممالک کے درمیان شام 5 بجے سے زمین، ہوا اور سمندر میں سبھی طرح کی گولی باری اور فوجی کارروائی بند کرنے کا فیصلہ ہوا ہے۔ انھوں نے یہ بھی مطلع کیا کہ پاکستان کے ڈی جی ایم او نے ہفتہ کی دوپہر فون پر بات کی تھی۔ مسری نے ساتھ ہی بتایا کہ ہندوستان نے اپنی شرطوں پر جنگ بندی کی ہے اور 12 مئی کو دونوں ممالک کے ڈی جی ایم او پھر سے بات کریں گے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
