لیفٹیننٹ کرنل کے خطاب سے نوازے جانے کی تقریب میں وزیردفاع راجناتھ سنگھ اور چیف آف آرمی اسٹاف (COAS) جنرل اُپیندردیویدی نیرج چوپڑا کو اعزازی پپس (نشان) پہناتے ہوئے۔
نئی دہلی: اولمپک گولڈ میڈلسٹ نیرج چوپڑا کو بھارتی فوج کی جانب سے اعزازی طور پر لیفٹیننٹ کرنل کا خطاب دیا گیا۔ اس سلسلے میں بدھ کو نئی دہلی میں پپنگ کی تقریب (Pipping Ceremony) منعقد ہوئی جس میں وزیردفاع راجناتھ سنگھ اور چیف آف آرمی اسٹاف (COAS) جنرل اُپیندردیویدی نے شرکت کی اور نیرج چوپڑا کو اعزازی پپس (نشان) پہنائے۔
#WATCH | Delhi | Olympic medallist javelin thrower Neeraj Chopra conferred the honorary rank of Lieutenant Colonel in the Indian Army, in the presence of Defence Minister Rajnath Singh and COAS General Upendra Dwivedi pic.twitter.com/bjLwuvoSLj
— ANI (@ANI) October 22, 2025
نیرج چوپڑا کی تعیناتی کی تفصیلات
گیزٹ آف انڈیا کے مطابق نیرج کی تعیناتی 16 اپریل 2025 سے مؤثر ہے۔ نیرج نے بھارتی فوج میں جونیئر کمیشنڈ آفیسر کے طور پر 26 اگست 2016 کو نائب صوبیدار کی حیثیت سے شمولیت اختیار کی تھی۔ انہیں 2018 میں ارجن ایوارڈ اور 2021 میں کھیل رتن ایوارڈ سے نوازا گیا۔ 2021 میں انہیں صوبیدار کے عہدے پر ترقی دی گئی۔ ٹوکیو 2020 اولمپکس میں تاریخی گولڈ میڈل جیتنے کے بعد 2022 میں انہیں پرم وششٹ سیوا میڈل سے نوازا گیا۔
Union Defence Minister Rajnath Singh formally conferred the honorary rank of Lieutenant Colonel in the Territorial Army upon star javelin thrower and two-time Olympic medalist Neeraj Chopra during the pipping ceremony at South Block, New Delhi
(Source: Ministry of Defence) pic.twitter.com/Y01qDf3YVI
— IANS (@ians_india) October 22, 2025
چوتھا سب سے بڑا شہری اعزاز
2022 میں نیرج کو صوبیدار میجر کے عہدے پر ترقی دی گئی اور اسی سال انہیں بھارت کا چوتھے سب سے بڑے شہری ایوارڈ پدم شری بھی نوازا گیا۔ انہوں نے حال ہی میں عالمی ایتھلیٹکس چیمپئن شپ میں عالمی خطاب کے دفاع کی کوشش کی لیکن وہ 84.03 میٹر کی بہترین تھرو کے ساتھ آٹھویں پوزیشن حاصل کرسکے۔ ان کے ہم وطن سچن یادو نے 86.27 میٹر کی بہترین تھرو کے ساتھ چوتھا مقام حاصل کیا۔
نیرج چوہان کی کارکردگی
اپنی آٹھویں پوزیشن کے بعد نیرج نے کہا کہ وہ اپنی کارکردگی سے حیران ہیں۔ انہوں نے بتایا کہ انہیں پیٹھ کے مسائل کا سامنا تھا۔ تاہم انہوں نے تسلیم کیا کہ یہ سب زندگی اور کھیل کا حصہ ہے۔ نیرج کی 2021 کے کورٹین گیمز کے بعد سے مسلسل 26 ٹاپ-ٹو فنش کا سلسلہ ختم ہوگیا۔ آخری بار وہ 2018 میں کانٹی نینٹل کپ میں چھٹے مقام پر تک پہنچ سکے تھے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
