نئی دہلی: اقلیتوں کے قومی کمیشن (این سی ایم) نے یہاں ایک قومی کانفرنس کا انعقاد کیا، جس میں ہندوستان میں اقلیتوں کی تعلیم، شمولیت اورانہیں بااختیار بنانے پرتوجہ دی گئی۔ اس تقریب نے کلیدی پالیسی سازوں، ماہرین اورشراکت داروں کا مشاہدہ کیا، جنہوں نے اقلیتی برادریوں کے لئے مساوی مواقع اوربہبود کویقینی بنانے کے لئے حکمت عملیوں پرغورکیا۔
اقلیتی امورکے وزیرمملکت جارج کورین نے اس موقع پرمہمان اعزازی کی حیثیت سے شرکت کی اورشمع روشن کرکے کانفرنس کا رسمی طورپرافتتاح کیا۔ اپنے افتتاحی خطاب میں جارج کورین نے اقلیتی برادریوں کو با اختیار بنانے کے لیے حکومت کے عزم پر زور دیا۔ انہوں نے اس بات پرروشنی ڈالی کہ اقلیتی برادریوں کی بہتری کے لیے وقف متعدد اسکیمیں ہیں، ساتھ ہی ان کی فلاح وبہبود کے لیے اضافی اقدامات بھی کئے گئے ہیں۔ جارج کورین نے اس بات پربھی زوردیا کہ ہندوستان میں اقلیتیں کچھ پڑوسی ممالک کے مقابلے میں یہاں زیادہ محفوظ اور سلامت ہیں۔
राष्ट्रीय अल्पसंख्यक आयोग द्वारा आयोजित राज्य अल्पसंख्यक आयोगों के सम्मेलन में केंद्रीय मंत्री किरेन रिजिजू ने मोदी सरकार की अल्पसंख्यक विकास प्रतिबद्धता दोहराई। उन्होंने कहा कि नकारात्मक विचारों की बजाय सकारात्मक दृष्टिकोण अपनाना जरूरी है।
ख़बर विस्तार से पढ़ने के लिए जुड़ें… pic.twitter.com/XbzxOcwfZw
— PB-SHABD (@PBSHABD) March 25, 2025
قومی اقلیتی کمیشن (این سی ایم) کے چیئرمین، اقبال سنگھ لال پورہ کے افتتاحی خطاب کے ساتھ تقریب کا آغاز ہوا۔ اس کے بعد ممتازپینلسٹس پرمشتمل بصیرت انگیزسیشن ہوئے۔ اقبال سنگھ لال پورہ نے قوم کی تعمیرمیں اقلیتی برادریوں کے تعاون پرتفصیل سے روشنی ڈالی اوراہم مسائل کوحل کرنے کے لیے ایک پلیٹ فارم کے طورپرکمیشن کے کردارپرزوردیا۔ انہوں نے شرکاء کی آوازوں، آراء اورنقطۂ نظرکا خیرمقدم کیا اورانہیں یقین دلایا کہ کمیشن مختلف ریاستی اقلیتی کمیشنوں کے ذریعہ اپنائےجارہے بہترین طریقہ کار کوشامل کرے گا۔
کانفرنس میں دو اہم تکنیکی سیشن
• تعلیم: اقلیتوں تک رسائی اورمدد کویقینی بنانا– تعلیم کے شعبے میں اقلیتی برادریوں کے کردار، خاص طورپرمسیحی برادری کے کردارپر ایک نتیجہ خیزبحث ہوئی۔ اس سیشن میں اقلیتی طلباء اوراداروں کودرپیش چیلنجزپربھی توجہ مرکوزکی گئی، اس کے ساتھ ساتھ جامع تعلیم کے لیے حل تجویزکیے گئے۔
• اقلیتوں کی شمولیت اور بہبود- دوسری مذاکرے نے ایسی پالیسیوں اورسرگرمیوں کی تشکیل میں حکومتی مداخلت کی ضرورت پر روشنی ڈالی جو اقلیتوں کوبااختیاربناتی ہیں اورجامع ترقی کویقینی بناتی ہیں۔ پینلسٹس نے اقلیتی برادریوں کی بہتری کے لیے ہدف بنائے گئے فلاحی پروگراموں اورپائیداراقدامات کی اہمیت پرزوردیا۔
Shri @KirenRijiju Minister for Minority Affairs, attended the State Commissions for Minorities Conference as Chief Guest at Ambedkar International Center, New Delhi. He reaffirmed the govt’s commitment to #SabkaSaathSabkaVikas, emphasizing its efforts in minority empowerment. pic.twitter.com/x9jy3rjXSG
— National Commission for Minorities (@NCM_GoI) March 25, 2025
مرکزی وزیر برائے اقلیتی امورکرن رجیجو نے اس تقریب میں بطورمہمان خصوصی شرکت کی اورکلیدی خطبہ پیش کیا۔ انہوں نے مختلف عقائد کے گروہوں کے درمیان تعاون کی ضرورت پر زوردیتے ہوئے اقلیتی برادریوں کی بہبود کے لیے حکومت کے عزم کا اعادہ کیا۔ کرن رجیجونے اقلیتی برادریوں کی ترقی میں قومی اقلیتی ترقی اورمالیاتی کارپوریشن (این ایم ڈی ایف سی) کے کردارکی وضاحت کی، کیرالہ کو ایک مثال کے طورپرپیش کیا، جہاں اقلیتی کاروباریوں کواپنے منصوبوں کوقائم کرنے اوراسے وسعت دینے کے لیے فنڈزحاصل ہوئے۔
انہوں نے بہترین طریقوں اورمعلومات کے تبادلے کے لیے ملک کے مختلف حصوں میں اسی طرح کی کانفرنسوں کے انعقاد کی اہمیت پربھی زوردیا۔ اس کےساتھ ہی انہوں نے یقین دلایا کہ مختلف ریاستوں کے اقلیتی امورکے وزراء کے ساتھ ایک میٹنگ بلائی جائے گی تاکہ ملک بھر میں اقلیتی برادریوں کے اہم خدشات کوترجیح دی جائے اوران کوحل کیا جا سکے۔
انہوں نے یقین دلایا کہ وزارت ملک بھرمیں شمولیتی ترقی کویقینی بناتے ہوئے اقلیتوں کوبا اختیاربنانے اوران کی ترقی کے مقصد سے اسکیموں اوراقدامات کومضبوط اورنافذ کرنے کے لیے فنڈنگ کی خلاء کوپُرکرنے کے لیے ریاستی حکومتوں کی درخواستوں کا جائزہ لے گی۔
کرن رجیجونے حکومت کے بنیادی منتر’سب کا ساتھ، سب کا وکاس‘ کودہراتے ہوئے اختتام کیا۔ انہوں نے اس بات پرزوردیا کہ ہندوستان میں اقلیتیں محفوظ ہیں اورانہیں زندگی کے تمام شعبوں میں ترقی اورکامیابی کے یکساں مواقع حاصل ہیں۔
Glimpses from the inaugural session of the Conference of the State Commissions for Minorities at Ambedkar International Center, New Delhi. Shri @GeorgekurianBjp, Hon’ble MoS Ministry of Minority Affairs, graced the occasion. #MinorityEmpowerment #InclusiveIndia@ILalpura pic.twitter.com/Zt4dI8B72U
— National Commission for Minorities (@NCM_GoI) March 25, 2025
کھلا مباحثہ:تقریب کے آخری حصے میں ریاستی اقلیتی کمیشنوں کو درپیش چیلنجزسے نمٹنے کے لیے ایک کھلے مباحثہ کا انعقاد کیا گیا۔ اس میں شرکاء نے اپنے نقطہ نظراورتجاویزکا فعال طورپراشتراک کیا، جس سے خیالات کے باہمی تبادلے کو فروغ ملا۔
اقبال سنگھ لال پورہ نے ہندوستان کی اقلیتی برادریوں کے لیے ایک جامع اوربا اختیارمستقبل کے لیے مکالمے کوفروغ دینے، پالیسی سفارشات تیارکرنے اورباہمی تعاون پرمبنی اقدامات کوفروغ دینے کے لیے کمیشن کی جاری کوششوں کے بارے میں تفصیل سے بتایا۔
لال پورہ نے کہا کہ اقلیتوں کا قومی کمیشن ایسی پالیسیوں اورپروگراموں کوآگے بڑھانے کے لیے پرعزم ہے، جوہندوستان بھرمیں اقلیتی برادریوں کی سماجی، اقتصادی اورتعلیمی ترقی میں معاونت کرتی ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
