نئی دہلی :وزیر اعظم نریندر مودی نے آسام، کیرالہ اور پڈوچیری کے ووٹرز سے بڑی تعداد میں ووٹنگ کرنے کی اپیل کی ہے۔ سوشل میڈیا پلیٹ فارم ایکس پر جاری اپنے پیغام میں انہوں نے کہا کہ آسام اسمبلی انتخابات 2026 کے لیے ووٹنگ شروع ہو چکی ہے اور وہ عوام سے اپیل کرتے ہیں کہ جمہوریت کو مضبوط بنانے کے لیے زیادہ سے زیادہ ووٹنگ کریں۔ انہوں نے امید ظاہر کی کہ نوجوان اور خواتین ووٹرز جوش و خروش کے ساتھ اس جمہوری عمل میں حصہ لیں گے اور اسے عوامی فریضے کے تہوار میں بدل دیں گے۔
PM Modi (@narendramodi) posts, “I call upon the people of Kerala to ensure massive participation in voting in the 2026 Assembly elections. Record participation will infuse energy into Kerala’s democratic ethos. I particularly request the youth and women of the state to come… pic.twitter.com/OaOj37Fghk
— Press Trust of India (@PTI_News) April 9, 2026
ادھر سی پی آئی (ایم) کے لیڈر ایلا مارام کریم نے کیرالہ اسمبلی انتخابات کے دوران ووٹرز، خاص طور پر کوزی کوڈ کے نوجوانوں سے ایل ڈی ایف کے حق میں ووٹ دینے کی اپیل کی ہے۔ انہوں نے کہا کہ ایل ڈی ایف نے اپنے انتخابی وعدے پورے کر کے اپنی ساکھ ثابت کی ہے۔ ان کے مطابق 2021 کے انتخابات میں کیے گئے 97 فیصد وعدے پورے کیے جا چکے ہیں، جب کہ باقی وعدوں پر کام جاری ہے۔ انہوں نے کانگریس پر بھی تنقید کرتے ہوئے کہا کہ کانگریس نے کبھی اپنے وعدے پورے نہیں کیے۔
دوسری جانب آسام میں صبح سے ہی پولنگ مراکز پر ووٹرز کی لمبی قطاریں دیکھی جا رہی ہیں۔ نوجوان ووٹرز بڑی تعداد میں ووٹ ڈالنے کے لیے پہنچ رہے ہیں۔ دکھنگاؤں ایل پی اسکول میں قائم پولنگ مرکز پر ایک نوجوان ووٹر نے کہا کہ لوگوں کو اسی پارٹی کو ووٹ دینا چاہیے جو بہتر کام کرے اور زیادہ سہولتیں فراہم کریں۔
VIDEO | Assam Elections 2026: Voters queue-up outside Sarumotoria LP School polling station in Dispur. A young voters says, “It is very challenging this time because many controversies are going on and excited for the results. Many Gen-Zs are contesting this time and let’s see… pic.twitter.com/FcOS6Dk3vr
— Press Trust of India (@PTI_News) April 9, 2026
اسی طرح دسپور کے سروموتوریا ایل پی اسکول پولنگ مرکز کے باہر بھی ووٹرز کی طویل قطاریں دیکھی گئیں۔ ایک نوجوان ووٹر نے کہا کہ اس بار مقابلہ کافی سخت ہے کیونکہ کئی تنازعات جاری ہیں اور وہ نتائج کو لے کر پُرجوش ہیں۔ انہوں نے کہا کہ اس مرتبہ جین-زی کے کئی امیدوار بھی میدان میں ہیں، اب دیکھنا یہ ہے کہ نتائج کیا رخ اختیار کرتے ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
