بی جے پی ایم پی منوج تیواری نے جمعے کے روز اپنی اہلیہ سربھی اور ساڑھے چار سالہ بیٹی سانویکا کے ہمراہ وزیراعظم نریندر مودی سے ملاقات کی۔ اس ملاقات میں انھوں نے جھارکھنڈ کے دیوگھر میں واقع مقدس مقام بابا بیدیاناتھ دھام کا پرساد ’’پیڑا‘‘، وزیراعظم کو پیش کیا۔ منوج تیواری کے مطابق یہ پرساد ان تمام کانوڑیا عقیدت مندوں کی جانب سے پیش کیا گیا جو ننگے پاؤں کانوڑ یاترا کر کے گنگا جل لاتے ہیں تاکہ ساون کے مقدس مہینے میں بھگوان شیو پر جل ابھیشیک کر سکیں۔
منوج تیواری نے سوشل میڈیا پلیٹ فارم ’ایکس‘ پر اس ملاقات کی تصویر شیئر کرتے ہوئے لکھا کہ ’’دنیا کے سب سے مقبول لیڈر، انسانیت اور امن کے مضبوط علم بردار، بھارت کے درویش مزاج وزیراعظم نریندر مودی جی کو آج ہم نے بابا بیدیاناتھ دھام کا پرساد پیڑا، تمام ننگے پاؤں کانوڑ یاترا کرنے والوں کی جانب سے پیش کیا۔‘‘ انھوں نے مزید کہا کہ ’’پرساد وصول کرتے ہی وزیراعظم جی نے ’ہر ہر مہادیو‘ کا نعرہ لگایا اور خوشی کا اظہار کیا۔ انھوں نے میرے ساتھ دیگر کانوڑیوں کی خیریت بھی دریافت کی۔ اس موقع پر میری اہلیہ سربھی بھی موجود تھیں اور ہم نے اپنی بیٹی سانویکا (عمر ساڑھے چار سال) کی بنائی ہوئی ایک پینٹنگ بھی وزیراعظم کو پیش کی۔‘‘
नंगे पाँव चलनेवाले सभी कांवड़ियों के तरफ़ से हमने आज विश्व के सर्वाधिक लोकप्रिय नेता, मानवता व शान्ति के प्रबल पक्षधर, भारत के यशस्वी प्रधानमंत्री श्री नरेंद्र मोदी जी को बाबा वैद्यनाथ धाम का प्रसाद पेंडा भेंट किया। बाबा वैद्यनाथ धाम का प्रसाद पाते ही प्रधानमंत्री जी ने हर हर… pic.twitter.com/fyuYKcyyv7
— Manoj Tiwari (@ManojTiwariMP) August 8, 2025
واضح رہے کہ بی جے پی ایم منوج تیواری نے حال ہی 110 کلومیٹر لمبی طویل کانوڑ یاترا مکمل کی اور جھارکھنڈ کے دیوگھر میں بابا بیدیا ناتھ دھام میں جل ابھیشیک کیا۔ یہ یاترا ہرسال بھگوان شیو کو خوش کرنے کے لیے کی جاتی ہے۔ چوں کہ ساون کا مہینہ، ہندو عقیدے میں بھگوان شیو کا سب سے محبوب مہینہ مانا جاتا ہے۔ لہٰذا مانا جاتا ہے کہ اس مہینے میں بھگوان شیو کی سچی عقیدت سے پوجا کرنے سے تمام پریشانیاں دور ہو جاتی ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
