مدھیہ پردیش میں ووٹر لسٹ کے اسپیشل انٹینسیو رویژن (SIR) کے دوران دو بوتھ لیول آفیسر (BLO) کی موت ہو گئی ہے۔ یہ دونوں، ٹیچر کم بی ایل او رائے سین اور دموہ ضلع میں تعینات تھے۔ جمعہ کی دیر رات ان کی موت بیماری کی وجہ سے ہوئی بتائی جا رہی ہے، لیکن خاندان اور قریبی لوگوں کا کہنا ہے کہ اصل وجہ کام کا زیادہ بوجھ اور ٹارگٹ مکمل کرنے کا دباؤ تھا۔
اموات کی شناخت
اموات کی شناخت رائے سین ضلع کے رما کانت پانڈے اور دموہ ضلع کے سیتارام گونڈ کے طور پر ہوئی ہے۔ افسران نے بتایا کہ رائے سین میں ایک اور بی ایل او، نرائن داس سونی گزشتہ چھ دنوں سے لاپتہ ہیں۔ وہ بغیر اطلاع گھر سے نکل گئے تھے اور اب تک ان کا کوئی سراغ نہیں ملا ہے۔ پولیس اور خاندان ان کی تلاش کر رہے ہیں۔
افسر کا کیا کہنا ہے؟
اسمبلی حلقے کے سب ڈویژنل آفیسر اور الیکٹورل رجسٹریشن آفیسر چندرشیکھر سریواستو نے بتایا کہ رما کانت پانڈے منڈی دیپ میں ووٹر لسٹ ریویژن مہم پر کام کر رہے تھے۔ رات دیر گئے ان کی طبیعت خراب ہوئی اور ان کی موت ہو گئی۔ انہوں نے کہا کہ موت کی اصل وجہ جاننے کے لیے پوسٹ مارٹم رپورٹ کا انتظار کیا جا رہا ہے۔
اہل خانہ کا الزام
ادھر، متوفی پانڈے کی بیوی ریکھا اور اہل خانہ کے دیگر افراد نے دعویٰ کیا کہ ان پر کام کا بہت زیادہ دباؤ تھا۔ انہیں دیر رات تک اسائنمنٹ مکمل کرنا پڑتا تھا اور مستقل فون پر ڈیڈ لائن پوری کرنے کی ہدایات ملتی رہتی تھیں۔ خاندان کا کہنا ہے کہ یہی دباؤ ان کی بیماری بڑھننے اور موت کا سبب بنا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
