دبئی میں پیر (28 اپریل) سے 01 مئی تک منعقد ہونے والے عربین ٹریول مارٹ میں لکھنؤ کے تاریخی مقامات جیسے رومی دروازہ، بڑا امام باڑہ اور گھنٹگھر سمیت دیگر سیاحتی مقامات کی نمائش کی جائے گی۔ محکمہ سیاحت نے ریاست کے اہم تاریخی ورثے، قدرتی مقامات اور دیگر سیاحتی مقامات کو عالمی پلیٹ فارم پر دکھانے کے لیے بڑی تیاریاں کی ہیں۔
سیاحت اور ثقافت کے وزیر جے ویر سنگھ نے آج کہا کہ لکھنؤ اور ریاست کے دیگر حصوں میں واقع ثقافتی ورثوں اور تعمیراتی نمونوں کو اس بین الاقوامی پلیٹ فارم پر پیش کیا جائے گا تاکہ غیر ملکی سیاحوں کو راغب کیا جا سکے۔ لکھنؤ کے سیاحتی مقامات کے ساتھ ساتھ بلند دروازہ، فتح پور سیکری آگرہ، قومی چمبل سینکچری، بدھسٹ سرکٹ سمیت دیگر مقامات کو فروغ دیا جا رہا ہے۔
حکومت ریاست میں سیاحت کو فروغ دینے کے لیے ہے کوشاں
انہوں نے کہا کہ ہمارا مقصد لکھنؤ کو دنیا کے سیاحتی نقشے پر ایک اہم مقام کے طور پر قائم کرنا ہے۔ رومی دروازہ اور بڑا امام باڑہ جیسے ہیریٹیج سائٹس نہ صرف لکھنؤ کا فخر ہیں بلکہ تاریخ کا قیمتی ورثہ بھی ہیں۔ جے ویر سنگھ نے کہا کہ ریاستی حکومت لکھنؤ کے علاوہ ایودھیا، وارانسی، متھرا-ورنداون اور وندھیاچل جیسے بڑے مذہبی، ثقافتی اور قدرتی مقامات کو عالمی پلیٹ فارم پر پیش کرنے کی کوشش کر رہی ہے۔
انھوں نے مزید کہ محکمہ سیاحت بھی غیر ملکی ٹور آپریٹرز، ٹریول ایجنٹس اور سرمایہ کاروں سے براہ راست بات چیت کرکے ریاست میں سیاحتی سرمایہ کاری کے لیے نئی راہیں کھولنے کے لیے سرگرم عمل ہے۔ ٹریول مارٹ کے ذریعے لکھنؤ کی دستکاری، خوراک اور ثقافتی تنوع کو بھی بین الاقوامی سامعین کے سامنے پیش کیا جائے گا۔ اس سے نہ صرف غیر ملکی سیاحوں کی تعداد میں اضافہ ہوگا بلکہ مقامی کاریگروں اور سیاحت سے وابستہ تاجروں کے لیے بھی نئے مواقع پیدا ہوں گے۔ یہ پہل لکھنؤ سمیت پورے اتر پردیش کی معیشت کو فروغ دینے اور نوجوانوں کے لیے روزگار کے نئے مواقع پیدا کرنے کی طرف ایک اختراعی کوشش ہے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
