آج اپوزیشن اتحاد دہلی کے رام لیلا میدان میں اپنی طاقت کا بڑا مظاہرہ کر رہی ہے۔ ‘جمہوریت بچاؤ ریلی’ میں کانگریس لیڈر سونیا گاندھی، ملکارجن کھرگے اور راہل گاندھی موجود ہیں۔ان کے علاوہ جھارکھنڈ کے سابق وزیر اعلیٰ ہیمنت سورین کی اہلیہ کلپنا سورین، اروند کجریوال کی اہلیہ سنیتا کجریوال، شیو سینا کے سربراہ (یو بی ٹی) ادھو ٹھاکرے، ایس پی سپریمو اکھلیش یادو، آر جے ڈی لیڈر تیجسوی یادو، ٹی ایم سی لیڈر ڈیرک اوبرائن، بائیں بازو کے لیڈر ایس ایس یچویتارام۔ ، این سی پی (پوار) کے شرد پوار سمیت کئی سینئر لیڈران موجود ہیں۔
اس بیچ جموں و کشمیر کے سابق وزیر اعلیٰ اور جموں و کشمیر نیشنل کانفرنس کے رہنما فاروق عبداللہ نے کہا کہ اروند کیجریوال اور ہیمنت سورین جیسے تمام گرفتار لیڈر اسی وقت آزاد ہوں گے جب آپ سب آئین کو ہاتھ میں رکھیں گے۔ الیکشن کے وقت وہ بٹن دبائیں جو اس حکومت کو ہٹا دے گا۔ ہم سب کو،چاہے وہ ہندو ہو ں یا مسلم، سکھ ہو یا عیسائی، تمل ناڈو کے ہوں یا کشمیر کے، سب کو اکٹھے ہو کر آگے بڑھنا ہے۔ ہم کسی بھی حال میں اتحاد کو کبھی نہیں چھوڑیں گے۔
#WATCH | Delhi: At the Maha Rally at the Ramlila Maidan, former J&K CM and J&K NC leader Farooq Abdullah says, “All the arrested leaders like Arvind Kejriwal and Hemant Soren would be free when all of you would hold onto the Constitution. At the time of elections, press the… pic.twitter.com/HwJDF87UYI
— ANI (@ANI) March 31, 2024
فاروق عبداللہ نے کہا کہ انسان کو انسان سے لڑایا جا رہا ہے۔ ہندو الگ، مسلمان الگ، سکھ الگ اور عیسائی الگ۔ آج آئین پر حملہ ہو رہا ہے۔ چیف جسٹس کو بھی دھمکیاں دی جارہی ہیں۔فاروق عبداللہ نے کہا کہ جتنے لیڈران بند ہیں ،ان کی آزادی کیلئے عام انتخابات میں وہ بٹن دبائیں جو موجودہ حکومت کو باہر کا راستہ دکھائے۔انہوں نے کہا کہ اس حکومت کو شکست دیں گے توعام عوام کا راج قائم ہوجائے گا۔
بھارت ایکسپریس۔
