کانگریس لیڈر ادھیر رنجن چودھری کی لوک سبھا سے معطلی منسوخ کی جائے گی۔
Adhir Ranjan Chowdhury Parliament Suspension: لوک سبھا کی پریویلیج کمیٹی (خصوصی اتھارٹی کمیٹی) نے بدھ کے روز یعنی 30 اگست کو کانگریس رکن پارلیمنٹ اور لوک سبھا میں اپوزیشن لیڈر ادھیر رنجن چودھری کی معطلی کو منسوخ کرنے کی منظوری دے دی۔ انہیں مانسون سیشن کے دوران معطلی کی گئی تھی۔ ادھیر رنجن چودھری نے آج پارلیمنٹ کی پریولیج کمیٹی کی میٹنگ میں اپنا موقف رکھا تھا۔
کانگریس رکن پارلیمنٹ نے بی جے پی کے رکن پارلیمنٹ سنیل سنگھ کی صدارت والی کمیٹی کو بتایا کہ کہا ان کا کسی کے جذبات کو مجروح کرنے کا مقصد نہیں تھا۔ نیوز ایجنسی پی ٹی آئی کے مطابق، کمیٹی نے ادھیر رنجن چودھری کی معطلی ختم کرنے کے لئے تجویزکو مںظوری دی۔ اس تجویز کو جلد ہی لوک سبھا کے اسپیکر اوم برلا کے پاس غورکے لئے بھیجا جائے گا۔
کیوں کئے گئے تھے معطل؟
پریویلیج کمیٹی کے سامنے پیش ہوکر بی جے پی رکن پارلیمنٹ جناردن سگری وال نے بھی اپنا بیان ریکارڈ کرایا۔ واضح رہے کہ حال ہی میں اختتام پذیرہوئے پارلیمنٹ کے مانسون سیشن میں لوک سبھا میں تحریک عدم اعتماد کی تجویزپربحث کے دوران کانگریس لیڈرادھیر رنجن چودھری کو وزیراعظم نریندر مودی سے متعلق کئے گئے تبصرہ اوران کے اقدام کے سبب 10 اگست کو ایوان کی کارروائی سے معطل کردیا گیا تھا۔
بھارت ایکسپریس۔
