پٹنہ میں یوتھ کانگریس کارکنان اور پولیس کے درمیان جھڑپ
پٹنہ: بدھ کو بہار اسمبلی کا گھیراؤ کرنے نکلے یوتھ کانگریس کارکنوں پر پولیس نے لاٹھی چارج کر دیا۔ پٹنہ میں بہار اسمبلی کے گھیراؤ کے دوران یوتھ کانگریس کے صدر سرینواس سمیت ریاستی یوتھ کانگریس کے کارکنوں پر زبردست لاٹھی چارج کیا گیا۔ اس دوران یوتھ کانگریس کے کارکنوں نے بہار حکومت اور پولیس کے خلاف نعرے لگائے۔ حالانکہ پولیس نے پہلے اسمبلی کی طرف مارچ کرنے والے یوتھ کانگریس کارکنوں کو رکنے کو کہا لیکن جب وہ آگے بڑھنے پر اڑے رہے تو پولیس نے طاقت کا استعمال کیا۔
پٹنہ کے اے ڈی ایم شریکانت کنڈلی کھانڈیکر نے کہا کہ کانگریس کارکنوں نے بغیر اجازت جلوس نکالا تھا۔ جس علاقے میں مظاہرہ ہوا وہ ایک محدود علاقہ ہے۔ یہ علاقہ کافی بھیڑ بھاڑ والا ہے اور یہاں کئی اسکول ہیں۔ اس لیے ان سے پرامن طریقے سے مظاہرہ کرنے کی اپیل کی گئی۔
انہوں نے بتایا کہ جب پولیس کارکنوں کو قابو کرنے کی کوشش کر رہی تھی تو کارکنوں نے پولیس پر لاٹھیاں برسانا شروع کر دیں۔ اس دوران کئی پولیس اہلکار زخمی ہوئے اور ایک پولیس اہلکار کا سر پھٹ گیا۔ اس کے بعد انتظامیہ نے ہلکی طاقت کا استعمال کرتے ہوئے بھیڑ کو منتشر کردیا۔
بہار اسمبلی کا مانسون اجلاس جاری ہے۔ اس اجلاس کے دوران یوتھ کانگریس کے کارکنان اسمبلی کے باہر احتجاج کرنے کی کوشش کر رہے تھے۔ پولیس نے پہلے ہی انہیں آگے نہ بڑھنے کو کہا تھا۔ اس کے باوجود یوتھ کانگریس کے کارکنان اپنی ضد پر ڈٹے رہے اور آگے بڑھنے کی کوشش کی۔
بورنگ روڈ پر کچھ دیر تک افراتفری
پولیس اور یوتھ کانگریس کارکنوں کے درمیان جھڑپ کی وجہ سے بورنگ روڈ پر کچھ دیر تک افراتفری مچ گئی۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
