نوکری کے بعد زمین کے معاملے میں آر جے ڈی سپریمو لالو یادو کی مشکلات میں اضافہ ہوتا دکھائی دے رہا ہے۔ پی ٹی آئی کی ایک رپورٹ کے مطابق، سرکاری ذرائع نے بتایا کہ صدر دروپدی مرمو نے آر جے ڈی کے سربراہ اور سابق مرکزی وزیر لالو پرساد کے خلاف ای ڈی کی طرف سے جانچ کی جا رہی لینڈ فار جاب گھوٹالہ میں مقدمہ چلانے کی منظوری دے دی ہے۔ذرائع نے بتایا کہ صدر نے سی آر پی سی کی دفعہ 197(1) اور بی این ایس ایس، 2023 کی دفعہ 218 کے تحت لازمی اجازت دی ہے۔ انفورسمنٹ ڈائریکٹوریٹ (ای ڈی) نے گزشتہ سال اگست میں بہار کے 76 سالہ سابق وزیر اعلیٰ، ان کے بیٹے اور سابق نائب وزیر اعلیٰ تیجسوی یادو اور خاندان کے دیگر افراد کے خلاف منی لانڈرنگ کیس میں چارج شیٹ داخل کی تھی۔
لالو یادو پر کیا الزامات ہیں؟
لالو پرساد یادو پر الزام ہے کہ جب وہ ریلوے کے وزیر تھے اس دوران انہوں نے اپنے خاندان کے افراد کے نام زمین لی اوربدلے میں ریلوے کے مختلف زونز میں گروپ ڈی کے عہدوں پر نوکری دی۔ پٹنہ میں رہنے والے کئی افراد نے خود یا اپنے خاندان کے افراد کے ذریعے پٹنہ میں واقع اپنی زمین لالوپرساد کے خاندان کے افراد اور ان کے خاندان کے زیر کنٹرول ایک نجی کمپنی کے حق میں فروخت کی تھی اور وہ ایسی غیر منقولہ جائیدادوں کی منتقلی میں بھی ملوث تھے۔
کیا بھرتیاں بغیر کسی اطلاع یا اشتہار کے کی گئی؟
ریلوے میں بھرتی کے لیے کوئی اشتہار یا کوئی پبلک نوٹس جاری نہیں کیا گیاتھا۔ تاہم، جو پٹنہ کے رہائشی تھے، انہیں ممبئی، جبل پور، کولکتہ، جے پور اور حاجی پور میں واقع مختلف زونل ریلوے میں متبادل کے طور پر مقرر کیا گیا تھا۔ سی بی آئی کا کہنا ہے کہ اس معاملے میں پٹنہ میں 1,05,292 فٹ زمین لالو پرساد یادو کے خاندان والوں نے بیچنے والوں کو نقد رقم دے کر حاصل کی تھی۔ چارج شیٹ میں لالو پرساد کے علاوہ سی بی آئی نے رابڑی دیوی اور 14 دیگر کو ملزم بنایا ہے۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
