لالو، رابڑی اور تیجسوی کو بڑی راحت، راؤس ایونیو کورٹ سے ملی ضمانت
Land For Job Scam: لینڈ فار جاب کیس میں آج سی بی آئی لالو پرساد یادو سے پوچھ گچھ کرے گی۔ 2004 سے 2009 کے درمیان کا یہ معاملہ ہے۔ اس وقت لالو پرساد یادو وزیر ریل تھے۔ اس دوران ریلوے میں نوکری کے بدلے زمین لینے کا الزام لالو پرساد یادو اور ان کی فیملی پرلگا ہے۔ نیوزایجنسی پی ٹی آئی کے مطابق، سی بی آئی کے افسرسابق وزیرریل لالو پرساد یادو سے پوچھ گچھ کرنے کے لئے دہلی میں ان کی بیٹی میسا بھارتی کے گھر پہنچ چکے ہیں۔
CBI arrives for questioning former railway minister Lalu Prasad in land-for-jobs scam case: Officials
— Press Trust of India (@PTI_News) March 7, 2023
جانئے کیا ہے لینڈ فار جاب اسکیم؟
بہار کے سابق وزیراعلیٰ لالو پرساد یادو پرالزام ہے کہ وزیر ریل رہتے ہوئے انہوں نے پٹنہ کے 12 لوگوں کو گروپ ڈی میں چپکے سے نوکری دی اوران سے اپنی فیملی کے لوگوں کے نام پٹنہ میں زمینیں لکھوا لیں۔ جانچ کے دوران سی بی آئی نے دعویٰ کیا ہے کہ لالو پرساد یادو کی بیوی اور رابڑی دیوی، بیٹی میسا بھارتی اور ہیما یادو کے نام رجسٹری کرائی گئی اور زمین کی معمولی قیمت نقد میں ادا کی گئی۔
2021 میں سی بی آئی نے شروع کی جانچ
پورا معاملہ 2004 سے 2009 کے درمیان کا ہے۔ سی بی آئی نے اس معاملے میں 2021 میں ابتدائی جانچ شروع کی تھی۔ سی بی آئی کو جانچ میں کئی ثبوت ملے، جہاں امیدواروں کو مبینہ طور پر نوکری دی گئی، جب ان کی فیملی کے اراکین نے لالو پرساد یادو کے اہل خانہ کے اراکین کو اپنی زمین کی رجسٹری کی۔
-بھارت ایکسپریس
