وزیراعظم مودی نے لال کرشن اڈوانی کو بھارت رتن دیئے جانے کا اعلان کیا۔
LK Advani On Bharat Ratna: وزیراعظم نریندر مودی نے ہفتہ (3 فروری) کوبی جے پی کے سینئر لیڈر لال کرشن اڈوانی کو’بھارت رتن‘ دیئے جانے کا اعلان کیا۔ اس پرسابق نائب وزیراعظم لال کرشن اڈوانی نے ردعمل کا اظہارکیا۔ انہوں نے کہا کہ یہ نہ صرف ایک شخص کے طورپرمیرا، بلکہ ان نظریات اوراصولوں کا احترام بھی ہے، جن پرمیں نے عمل کرنے کی کوشش کی۔
اپنے آفیشیل بیان میں ایل کے اڈوانی نے لکھا، “انتہائی عاجزی اورشکرگزاری کے ساتھ، میں ’بھارت رتن‘ کوقبول کرتا ہوں۔ یہ نہ صرف ایک فرد کے طورپرمیرے لئے بلکہ ان نظریات اور اصولوں کے لئے بھی اعزازکی بات ہے، جن کے ذریعہ میں نے اپنی پوری زندگی میں اپنی بہترین صلاحیتوں کے ساتھ خدمت کی ہے۔” انہوں نے کہا، جب سے میں راشٹریہ سویم سیوک سنگھ (آرایس ایس) میں بطوررضاکارشامل ہوا ہوں۔ تب سے زندگی میں مجھے جوبھی کام سونپا گیا ہے، میں نے اسے بے لوث کیا ہے۔”
“He had tears in his eyes”: LK Advani’s family thanks PM Modi after Bharat Ratna announcement
Read @ANI Story | https://t.co/KgbNiOLfjs#lkadvani #PMModi #BharatRatna #BJP pic.twitter.com/4k7xrBKi8E
— ANI Digital (@ani_digital) February 3, 2024
رام مندرکی تعمیر کی وکالت
سال 1990 میں ایودھیا میں رام مندرکی تعمیرکی وکالت کرتے ہوئے اپنی رتھ یاترا کے ذریعہ پارٹی کوقومی سطح پرشہرت دلانے میں اہم کردارنبھانے والےلال کرشن اڈوانی کوہفتہ کے روز بھارت رتن سے سرفرازکرنے کا اعلان کیا گیا۔ وزیراعظم نریندر مودی نے خود اس کا اعلان کیا۔ انہوں نے سوشل میڈیا پرلال کرشن اڈوانی کے ساتھ تصویر شیئرکرکے اس کی اطلاع دی۔
आज देश ने अपने एक महान सपूत, पूर्व उप-प्रधानमंत्री लालकृष्ण आडवाणी जी को भारत रत्न देने का भी निर्णय लिया है: PM @narendramodi pic.twitter.com/1YjHcWYJav
— PMO India (@PMOIndia) February 3, 2024
وزیراعظم مودی نے مبارکباد دی
اس موقع پروزیراعظم نریندرمودی نے کہا، “مجھے یہ بتاتے ہوئے بہت خوشی ہو رہی ہے کہ لال کرشن اڈوانی کو بھارت رتن سے سرفرازکیا جائے گا۔ میں نے ان سے فون پربات بھی کی اوراس اعزازسے سرفرازہونے پراہیں مبارکباد دی۔” اس دوران وزیراعظم مودی نے ہندوستان کی ترقی میں لال کرشن اڈوانی کے کردار پرزوردیا اورانہیں ملک کے سب سے معزز لیڈران میں سے ایک بتایا۔
بھارت ایکسپریس۔
