خالصتانی حامی امرت پال سنگھ۔ (فائل فوٹو)
Khalistani leader Amritpal Singh: بھگوڑا ’وارث پنجاب دے‘ لیڈر اور خالصتانی حامی امرت پال سنگھ ابھی بھی پولیس کی گرفت سے باہر ہے۔ اب اس کے فرار ہونے کے کنکشن میں پنجاب پولیس نے جمعرات کو بلجیت کور نام کی ایک خاتون کو گرفتار کیا ہے۔ الزام ہے کہ اس خاتون نے ہریانہ کے شاہ آباد میں اپنی رہائش گاہ پر شدت پسند لیڈر امرت پال اور اس کے ساتھی پاپل پریت سنگھ کو پناہ دی تھی۔ پولیس کو خدشہ ہے کہ ہوسکتا ہے کہ امرت پال پنجاب سے باہر بھی بھاگ گیا ہو۔ اب سے بڑا سوال یہ ہے کہ آخر بلجیت کور کون ہے؟
شاہ آباد کی سدھارتھ کالونی کی رہنے والی بلجیت کور مبینہ طور پر امرت پال کے ساتھی پاپل پریت سنگھ کے رابطے میں تھی۔ فی الحال پولیس نے اسے پوچھ گچھ کے لئے لے کر گئی ہے۔ بلجیت کور نے پولیس کو بتایا ہے کہ امرت پال سنگھ ایک دیگر ساتھی کے ساتھ اسکوٹر پر کروشیتر ضلع میں اس کے گھر پہنچا تھا۔ بلجیت کور نے یہ بھی کہا کہ امرت پال نے کپڑے بدل لئے تھے اور پگڑی پہن رکھی تھی۔ اس نے اپنی مونچھیں بھی ٹھیک کرلی تھیں۔ اس کا کہنا ہے کہ امرت پال نے لدھیانہ کے ہارڈیز ورلڈ علاقے سے آٹو لیا تھا۔
#WATCH | CCTV visuals near the house in Kurukshetra, Haryana where Amritpal Singh stayed the night of 19th March. Punjab IGP says that Singh stayed here on the night of 19th & left the next day. One woman, Baljeet Kaur has been arrested in this regard.
(CCTV visuals from March… pic.twitter.com/KcouIO4JtQ
— ANI (@ANI) March 23, 2023
پنجاب پولیس کی حراست میں خاتون
کروشیتر کے پولیس سپرنٹنڈنٹ سریندر سنگھ بھوریا نے پی ٹی آئی کو بتایا کہ ہم نے بلجیت کور نام کی ایک خاتون کو گرفتار کرلیا ہے، جس نے امرت پال اور اس کے ساتھی پاپل پریت سنگھ کواتوار کے روز شاہ آباد میں اپنے گھر میں رہنے دیا تھا۔ خاتون کو پنجاب پولیس کو سونپ دیا گیا ہے۔ ابتدائی جانچ کے بعد پولیس نے بتایا کہ بلجیت سنگھ گزشتہ دو سال سے پاپل پریت سنگھ کے رابطے میں تھی۔
آئی جی پی ہیڈ کوارٹر سکھچین سنگھ گل کا کہنا ہے کہ امرت پال دو دنوں تک شاہ آباد میں رہا۔ لدھیانہ سے شاہ آباد جانے کے لئے اس نے ایک اسکوٹی کا استعمال کیا۔ بلجیت کور کے بھائی نے امرت پال کو پناہ دینے کی بات پولیس کو بتائی تھی۔
بھارت ایکسپریس
