BJP imposed undeclared emergency: آج غیر اعلانیہ ایمرجنسی سے گزر رہا ہے ملک،پی ایم مودی کے سبب بحران کا شکار ہے ہندوستان:کھرگے

کانگریس صدر ملکارجن کھرگے نے ایمرجنسی کے 50 سال مکمل ہونے پر مرکزی حکومت اور بی جے پی کی حکومت والی ریاستوں کے ذریعہ منعقد کئے جانے والے پروگراموں پر سوالات اٹھائے ہیں۔ انہوں نے آج ایک پریس کانفرنس میں کہا کہ بی جے پی ہماری آئین  بچاؤ یاترا سے خوفزدہ ہے اور اسی لئے وہ ایمرجنسی کے 50 سال کی بات کر رہی ہے۔انہوں نے کہا کہ جو لوگ اب آئین کو بچانے کی بات کر رہے ہیں، بار بار ایمرجنسی کو دہراتے ہیں، ان کا آئین بنانے میں کوئی کردار نہیں ہے۔ کھرگے نے یہ بھی کہا کہ جو چیز ختم ہوچکی ہےبی جے پی اس سے  فائدہ حاصل کرنےکیلئے اسے اٹھارہی ہے۔ انہوں نے کہا کہ بی جے پی اپنی کمزوریوں کو چھپانے کے لیے یہ باتیں کر رہی ہے۔

अगर आज हमारा संविधान संकट में है, तो वह नरेंद्र मोदी की वजह से है। नरेंद्र मोदी देश को बर्बाद कर रहे हैं।

जब भी कोई व्यक्ति देशहित में बात करता है तो वो नरेंद्र मोदी को बर्दाश्त नहीं होता है। आखिर Freedom of expression और Freedom of movement कहां है?

• कोई छात्र देशहित में बात… pic.twitter.com/2Zkskob82w

— Congress (@INCIndia) June 25, 2025

کانگریس صدر نے کہا کہ ان لوگوں کا ملک کی آزادی کی تحریک اور آئین سازی میں کوئی حصہ نہیں تھا، یہ ہمیشہ آئین کے خلاف باتیں کرتے تھے۔ انہوں نے کہا کہ بابا صاحب امبیڈکر، پنڈت جواہر لال نہرو اور کانگریس لیڈروں نے طویل عرصے تک کام کرنے کے بعد ایک آئین تیار کیا تھا۔انہوں نے رام لیلا میدان میں اس آئین کو جلایا اور بابا صاحب، نہرو اور گاندھی جی کی تصویروں کو جلایا۔انہوں نے الزام لگایا کہ مودی حکومت حکمرانی میں ناکام ہو چکی ہے۔ یہ مہنگائی، بے روزگاری، بدعنوانی، نوٹ بندی اور کالے دھن کے معاملے میں بھی ناکام رہی ہے۔ انہوں نے دعویٰ کیا کہ یہ ڈرامہ ناکامیوں کو چھپانے کے لیے رچایا گیا ہے۔ وزیر اعظم پر نشانہ لگاتے ہوئے کھرگے نے کہاکہ آپ  ایک نئی ایمرجنسی لائے ہیں، وہ ایمرجنسی ختم ہو چکی ہے، لیکن آج غیر اعلانیہ ایمرجنسی ہے۔انہوں نے الزام لگایا کہ اس وقت الیکشن کمیشن کٹھ پتلی بن چکا ہے۔

जिनका देश की आजादी के आंदोलन और संविधान निर्माण में कोई योगदान नहीं रहा। जिन लोगों ने इस संविधान को बनाने में सहयोग नहीं किया। जो लोग हमेशा संविधान के खिलाफ बात करते रहे, वे आज तरह-तरह की बातें कर रहे हैं।

जिस संविधान को बाबा साहेब अंबेडकर जी, नेहरू जी, गांधी जी और संविधान सभा… pic.twitter.com/shp73b3Bof

— Congress (@INCIndia) June 25, 2025

یاد رہے کہ وزیر اعظم نریندر مودی نے بدھ کے روز کہا کہ کوئی بھی ہندوستانی کبھی نہیں بھولے گا کہ ایمرجنسی کے دوران آئین کی روح کی خلاف ورزی کیسے ہوئی۔ انہوں نے آئینی اصولوں کو مضبوط بنانے کے لیے اپنی حکومت کے عزم کا اعادہ کیا۔ انہوں نے کہا کہ ایمرجنسی کے دوران آئین میں درج اقدار کو پامال کیا گیا، بنیادی حقوق سلب کیے گئے، آزادی صحافت کو دبایا گیا اور سیاسی جماعتوں کے رہنماؤں، سماجی کارکنوں، طلبہ اور عام شہریوں کی بڑی تعداد کو جیلوں میں ڈالا گیا۔

بھارت ایکسپریس۔