کانپور آتشزدگی سانحہ میں ہلاک ہوئی پرملا کے بیٹے شیوم سے ویڈیو کال پر بات کرتے ہوئے نائب وزیراعلیٰ برجیش پاٹھک۔
اترپردیش کے نائب وزیراعلیٰ برجیش پاٹھک نے کانپور دیہات میں ہوئے آتشزدگی سانحہ کا سنجیدگی سے نوٹس لیا ہے۔ اس حادثہ سے متعلق نائب وزیراعلیٰ برجیش پاٹھک کا ایک ویڈیو سوشل میڈیا پر وائرل ہو رہا ہے۔ ویڈیو میں برجیش پاٹھک حادثہ میں مہلوکہ پرملا دکشت کے بیٹے شیوم دکشت سے ویڈیو کال پر بات کر رہے ہیں۔ اس دوران برجیش پاٹھک یہ کہہ رہے ہیں کہ ہم سخت سے سخت کارروائی کریں گے۔ جو بھی قصوروار ہیں ہم کسی کو نہیں چھوڑیں گے۔ اور جو قصوروار ہیں، ان کی پشتیں بھی یاد کریں گی۔ اتنی سخت کارروائی کرائیں گے۔
صوبہ کے نائب وزیراعلیٰ برجیش پاٹھک شیوم سے بات چیت میں کہہ رہے ہیں، ’یہ حادثہ بہت تکلیف دینے والا ہے۔ ہم بہت ہی زیادہ مایوس ہیں۔ ہم پوری طرح سے تمہارے ساتھ ہیں۔ جب سے ہم نے سنا ہے تب سے مسلسل ہم کارروائی کر رہے ہیں۔ سارے جو ذمہ دار لوگ ہیں، ان پر ایف آئی آر درج ہوگئی ہے 302 کی۔ ہم سخت کارروائی کریں گے، کسی کو نہیں بخشیں گے‘۔
پوری حکومت تمہارے ساتھ کھڑی ہے: برجیش پاٹھک
برجیش پاٹھک نے مہلوکہ خاتون کے بیٹے سے ہمدردی کا اظہار کرتے ہوئے کہا کہ پوری حکومت ان کے ساتھ کھڑی ہے۔ انہوں نے کہا، ’تم ہماری فیملی کے رکن ہو۔ یہ لڑائی ہماری ہے۔ ہم تمہارے ساتھ کھڑے ہیں۔ پوری حکومت تمہارے ساتھ کھڑی ہے۔ گھبرانا بالکل نہیں اور جو تمہارے مطالبات ہیں، ان پر ہم سنجیدگی سے کام کریں گے‘۔ انہوں نے مزید کہا، ’ہم ہر حالات میں تمہارے ساتھ کھڑے ہیں۔ بالکل اپنے آپ کو یہ مت سمجھنا کہ تم اکیلے ہو۔ تم میری فیملی کے رکن ہو۔ ٹھیک ہے نا‘۔
कानपुर देहात अग्निकांड पर बोले डिप्टी सीएम @brajeshpathakup ने मृतिका के बेटे शिवम दीक्षित से वीडियो कॉल बातचीत में कहा – “ऐसी कार्रवाई करूंगा कि पुस्ते याद रखेंगी”#KanpurDehat #kanpuragnikand #UttarPradesh #bharatexpress pic.twitter.com/Z0pdA9Mw38
— Bharat Express (@BhaaratExpress) February 15, 2023
جو قصور وار ہیں، ان نسلیں بھی یاد کریں گی: برجیش پاٹھک
نائب وزیراعلیٰ برجیش پاٹھک نے شیوم سے سخت کارروائی کا وعدہ کیا ہے۔ انہوں نے زور دے کرکہا، ’ہم سخت سے سخت کارروائی کریں گے۔ جو بھی قصور وار ہیں، ہم کسی کو نہیں چھوڑیں گے۔ اور جو قصوروار ہیں ان کی پشتیں بھی یاد کریں گی۔ اتنی سخت کارروائی کرائیں گے۔ ہم بالکل بی ایسے حادثات کو برداشت نہیں کریں گے۔ اور یہ ہماری ذمہ داری ہے۔ آپ ہمارے پورے صوبے کے بھائی ہو۔ ہر حالت میں ایک ایک شخص کو ہم سخت سے سزا دلائیں گے‘۔ انہوں نے مزید کہا کہ اتنا بڑا حادثہ ہے کہ میں بیان نہیں کرسکتا۔ ہم تو خدا سے دعا کرتے ہیں کہ ہماری فیملی کو غیرمعمولی تکلیف ہوئی ہے، اسے برداشت کرنے کی طاقت دے اور ہر حالت میں ہم رہیں گے۔
-بھارت ایکسپریس
