ڈی ایم کے ایم پی کنیموزی نے جمعہ کے روز وزیرِاعظم نریندر مودی سے قومی دارالحکومت میں ملاقات کی اور اپنے حلقۂ انتخاب تھوتھکوڈی اور ریاست تمل ناڈو سے متعلق اہم مسائل پر تبادلۂ خیال کیا۔ اس دوران کنیموزی نے وزیراعظم کا تھوتھوکوڈی ایئرپورٹ کی اپ گریڈیشن پر ان کا شکریہ بھی ادا کیا۔
سوشل میڈیا پلیٹ فارم ’ایکس‘ پر اس ملاقات کی تصاویر شیئر کرتے ہوئے کنیموزی نے لکھا کہ ’’آج نئی دہلی میں میں نے عزت مآب وزیرِاعظم سے ملاقات کی اور اپنے حلقے اور تمل ناڈو سے متعلق اہم مسائل، بشمول تھوتھوکوڈی میں VOC پورٹ کو ٹرانس شپمنٹ ہب بنانے کی درخواست کی۔ میں نے تھوتھوکوڈی ایئرپورٹ کی اپ گریڈیشن پر ان کا شکریہ بھی ادا کیا۔‘‘ واضح رہے کہ اس سے قبل گذشتہ روز تمل ناڈو سے ہی معروف اداکار اور حال ہی میں راجیہ سبھا کے رکن منتخب ہونے والے کمل ہاسن نے بھی پی ایم مودی سے ملاقات کی تھی۔
Today in New Delhi, I met the Hon’ble Prime Minister and raised important issues related to my constituency and Tamil Nadu, including the transhipment hub at VOC Port in Thoothukudi. I also thanked him for the support in upgrading Thoothukudi Airport. pic.twitter.com/nDYOyBDzf9
— Kanimozhi (கனிமொழி) (@KanimozhiDMK) August 8, 2025
ملاقات کے بعد کمل ہاسن نے اپنے بیان میں کہا کہ ’’آج مجھے عزت مآب وزیرِاعظم نریندر مودی جی سے ملاقات کا شرف حاصل ہوا۔ تمل ناڈو کے عوام کا نمائندہ اور ایک فنکار ہونے کی حیثیت سے میں نے چند اہم درخواستیں پیش کیں، جن میں سرِفہرست کیلاڈی کی تاریخی حیثیت کو جلد تسلیم کیے جانے کی درخواست تھی۔‘‘ واضح رہے کہ کیلاڈی کی آثارِ قدیمہ سے متعلق کھدائیوں نے تمل تہذیب کی تاریخ کو نئی جہت دی ہے، تاہم اس پر مرکز اور ڈی ایم کے کی قیادت والی ریاستی حکومت کے درمیان بعض معاملات پر اختلافات بھی سامنے آ چکے ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
