بی جے پی نے 44 امیدواروں کے ناموں کا کیا اعلان
نئی دہلی: بی جے پی نے جموں و کشمیر میں ہونے والے اسمبلی انتخابات کے لیے 44 امیدواروں کی پہلی فہرست جاری کر دی ہے۔ پیر کو جاری کردہ اپنے امیدواروں کی پہلی فہرست میں، بی جے پی نے پہلے مرحلے میں ہونے والے انتخابات کے لیے 15 سیٹوں پر، دوسرے مرحلے کے انتخابات کے لیے 10 سیٹوں پر اور تیسرے مرحلے میں ہونے والے انتخابات کے لیے 19 سیٹوں پر اپنے امیدواروں کے ناموں کا اعلان کیا ہے۔
بی جے پی نے پمپور سے انجینئر سید شوکت غیور اندرابی، راجپورہ سے ارشد بھٹ، شوپیاں سے جاوید احمد قادری، اننت ناگ ویسٹ سے محمد رفیق وانی، اننت ناگ سے ایڈوکیٹ سید وجاہت، کشتواڑ سے شگن پریہار، بھدرواہ سے دلیپ سنگھ پریہار، ڈوڈہ سے گجے سنگھ، رانا، رامبن سے راکیش ٹھاکر، بانہال سے سلیم بھٹ، حباکدل سے اشوک بھٹ اور ریاسی سے کلدیپ راج دوبے کو اپنا امیدوار بنایا ہے۔
BJP withdraws first list of 44 candidates released for upcoming J&K Assembly Elections; BJP to amend and release the list of candidates again pic.twitter.com/X9tqVoZ9Zv
— ANI (@ANI) August 26, 2024
پارٹی کے دیگر امیدواروں کے بارے میں بات کریں تو بی جے پی نے روہت دوبے کو شری ماتا ویشنو دیوی اسمبلی سیٹ سے، چودھری ذوالفقار علی کو بدھل سے، مرتضیٰ خان مینڈھر سے، دیویندر سنگھ رانا کو نگروٹا سے، اروند گپتا کو جموں ویسٹ سے، شام لال شرما کو جموں شمال سے، اکھنور سے موہن لال بھگت اور چھمب سے راجیو شرما کو میدان میں اتارا ہے۔
بی جے پی کے قومی صدر جے پی نڈا کی صدارت میں اور وزیر اعظم نریندر مودی کی موجودگی میں اتوار کے روز بی جے پی سنٹرل الیکشن کمیٹی کی میٹنگ میں ان امیدواروں کے ناموں کو منظوری دی گئی۔
آپ کو بتاتے چلیں کہ جموں و کشمیر میں تین مرحلوں میں اسمبلی انتخابات ہونے ہیں۔ ریاست میں پہلے مرحلے کی ووٹنگ کے تحت 18 ستمبر کو 24 سیٹوں کے لیے انتخابات ہونے ہیں۔ دوسرے مرحلے کے تحت 26 سیٹوں پر 25 ستمبر کو ووٹنگ ہونی ہے اور تیسرے مرحلے کے تحت 40 اسمبلی سیٹوں پر یکم اکتوبر کو ووٹنگ ہونی ہے۔
بھارت ایکسپریس۔
