جمعیۃ علماء ہند کے صدر مولانا محمود مدنی کی قیادت میں ایک وفد نے آسام کا دورہ کیا۔
نئی دہلی: آسام میں اقلیتوں پربڑھتے ہوئے ظلم وستم اورنفرت وشدت پسندی کی لہرکے خلاف جمعیۃ علماء ہند کے صدرمولانا محمود اسعد مدنی کی قیادت میں آج ایک وفد آسام پہنچا۔ وفد نے متاثرہ کیمپوں کا دورہ کیا، جہاں بلڈوزرکارروائیوں کے نتیجے میں بے گھرکئے گئے خاندان پناہ لیے ہوئے ہیں۔ دریں اثنا صدرجمعیۃعلماء ہند کی قیادت میں ہنوزوفد نے آسام میں تقریباً 300 کلو میٹرکا سفر طے کرلیا ہے اورکئی مقامات پرمظلومین سے ملاقات بھی کی ہے۔ انہوں نے بالخصوص بیت باری کیمپ میں لوگوں سے تفصیل سے بات چیت کی۔
لڑائی تجاوزات ہٹانے کے خلاف نہیں بلکہ…
مولانا محمود مدنی نے متاثرہ خاندانوں کے ساتھ ہمدردی و یکجہتی کا اظہارکرتے ہوئے کہا کہ ہماری لڑائی تجاوزات ہٹانے کے خلاف نہیں ہے، لیکن سپریم کورٹ کی ہدایات کو نظرانداز کرکےلوگوں کو بے گھرکرنا اور قانون کی بجائے دھمکی ،خوف اورطاقت کی زبان استعمال کرنا انصاف اور انسانیت کے خلاف ایک جرم ہے۔ انہوں نے دوٹوک الفاظ میں کہا کہ جمعیۃ علماء ہند ہمیشہ مظلوموں کے ساتھ کھڑی رہی ہے اورآئندہ بھی کھڑی رہے گی اوراس مقصد ہم دارورسن کے لیے بھی تیارہیں۔ یہی ہمارے بزرگوں کی روشن تاریخ رہی ہے۔
Maulana Mahmood Madani’s Assam Visit – Meeting with Victim Families
“We are ready to go to jail, but will never abandon the fight for justice”: Maulana Mahmood Madani“Our struggle is against ignoring judicial orders, rendering people homeless, and using fear, threats, and force… pic.twitter.com/Yiyy9DLQIV
— Jamiat Ulama-i-Hind (@JamiatUlama_in) September 1, 2025
انہوں نے کہا کہ ہم جیل جانے کوتیار ہیں، لیکن انصاف کی لڑائی کبھی نہیں چھوڑیں گے۔ انہوں نے کہا کہ ہماری جدوجہد عدالتی احکامات کونظراندازکرنے، لوگوں کوبے گھرکرنے اورقانون کی جگہ خوف، دھمکی اور طاقت استعمال کے خلاف ہے۔ انہوں نے کہا کہ ہم اس مہم کے لئے پھانسی تک چڑھنے کے لئے تیارہیں۔
جمعیۃ علماء ہند کے وفد میں کون رہے شامل؟
جمعیۃ علماء ہند کے وفد میں سربراہ مولانا محمود مدنی کے علاوہ ناظم عمومی جمعیۃ علماء ہند مولانا حکیم الدین قاسمی، مولانا مفتی جاوید اقبال (صدرجمعیۃ علماء بہار)، مولانا خالد کشن گنج (ناظم جمعیۃ علماء کشن گنج)، مولانا نوید عالم قاسمی، قاری نوشاد عادل (آرگنائزرجمعیۃ علماء ہند) اورمولانا ہاشم قاسمی (کوکراجھار، آسام) اورمولانا سلمان قاسمی (آرگنائزرجمعیۃ علماء ہند) شامل ہیں۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
