راجستھان کی دارالحکومت جے پورسے حیران کردینے والا معاملہ سامنے آیا ہے۔ یہاں ایک بیوی نے اپنے عاشق سے شوہر کا قتل کرا دیا۔ قاتل عاشق نے شوہر کا گلا ریت دیا، گمراہ کرنے کے لئے اس کا پرائیویٹ پارٹ کاٹ دیا۔ بے وفا اہلیہ اپنے شوہرکے قتل کی سازش 9 ماہ سے کر رہی تھی۔ وہ اس کی ریلی کرکے ہرسرگرمی کی خبر اپنے عاشق کو دیتی تھی۔ پولیس نے ملزم بیوی اوراس کے عاشق کوگرفتارکر کے اس حادثہ کا انکشاف کیا ہے۔
قتل کے ملزم نے تین دن پہلے ہیلمیٹ، چاقو اوردستانے خریدے تھے۔ 27 مئی کی شام قتل کے حادثہ کو انجام دیا گیا تھا۔ پولیس کو گلا ریت کرقتل کئے جانے اور پرائیویٹ پارٹ کٹی لاش برآمد ہوئی۔ جائے حادثہ سے مہلوک کا بیگ اور موبائل ملا تھا، جس کے بعد مہلوک کی شناخت کی گئی۔ پولیس نے دو دن میں حادثہ کے ملزمین کوگرفتارکرکے قتل کی واردات کا انکشاف کیا۔
پولیس کو ملی لہولہان لاش
پولیس افسرکے مطابق، 27 مئی کی رات پولیس کو ہرماڑا تھانہ علاقے کے بیناڑ روڈ واقع لوہا منڈی کے پاس ایک نوجوان کی لاش ملی تھی۔ اس کا گلا ریت کر قتل کیا گیا تھا۔ اس کے پرائیویٹ پارٹ پر بھی حملہ کیا گیا تھا۔ مہلوک کی لاش سے کچھ دور اس کا موبائل برآمد ہوا، جس کے ذریعہ اس کی پہچان جگ پورہ کے باشندہ کجوڑمل سنگھ کے طور پرہوئی۔ اس کی بیوی کو حادثہ کی جانکاری دی گئی۔ پولیس جانچ میں مہلوک کے موبائل میں آخری کال اس کی اہلیہ راما کنور کی تھی۔ پولیس کو اس پرشک ہوا۔
9 ماہ سے کر رہے تھے قتل کی سازش
بیوی راما کنور سے پوچھ گچھ کی گئی۔ پہلے وہ پولیس کو گمراہ کرتی رہی۔ جب پولیس نے اس سے سختی سے پوچھ گچھ کی تو اس نے سب کچھ سچ بتا دیا۔ پولیس نے بتایا کہ راما کنور کا سال 2021 سے دھول پورکے راجا کھیڑا کے باشندہ کنہیا لال سے معاشقہ چل رہا تھا۔ دونوں ایک دوسرے سے شادی کرنا چاہتے تھے۔ تاہم راما کنور کا شوہران کے درمیان رکاوٹ بن رہا تھا۔ دونوں نے کجوڑمل کو راستے سے ہٹانے کا پلان بنانا شروع کردیا۔ ملزمہ راما کنور نے بتایا کہ وہ 9 ماہ سے کنہیا لال کے ساتھ مل کراپنے شوہر کو مارنے کا پلان بنا رہی تھی، لیکن کامیاب نہیں ہو پا رہی تھی۔
گمراہ کرنے کے لئے کاٹا پرائیویٹ پارٹ
راما کنور نے اپنے شوہرکی ریکی کرتی تھی، وہ اس کی ہربات کو اپنےعاشق کو بتاتی تھی۔ 27 مئی کو ان کا پلان کامیاب ہوگیا۔ ملزم کنہیا لال نے پولیس کوبتایا کہ کجوڑمل کے قتل کے لئے اس نے سانگانیر کی مارکیٹ سے ہیلمیٹ، چاقو اور گلبس خریدے۔ پیر کے روز وہ کجوڑمل کو اپنے ساتھ بائیک پر بٹھا کرلوہا منڈی علاقے میں ایک سنسان جگہ پرلے گیا۔ وہاں اس نے بات چیت کے درمیان چاقو سے کجوڑمل کی گردن پرحملہ کردیا۔ حملے سے زخمی ہوا کجوڑمل بچنے کے لئے پیچھے بھاگا، لیکن ملزم نے اس کا پیچھا کرکے اس کی گردن ریت دی۔ ملزم نے قتل کو دوسری شکل دینے کے لئے اس کا پرائیویٹ پارٹ کاٹ دیا۔ پولیس نے دونوں کے خلاف مقدمہ درج کرکے انہیں جیل بھیجا ہے۔
بھارت ایکسپریس۔
