کینیڈا کے سابق رکن پارلیمنٹ چندر آریہ نے کہا ہے کہ اگر وزیر اعظم نریندر مودی جی 7 سربراہی اجلاس کے لیے کینیڈا آتے ہیں تو ان کا استقبال کرتے ہوئے ہمیں فخر محسوس ہوگا۔ چندر آریہ نے ہندوستان کو ایک جی 7 کے لیے ایک ’’اہم اور ناگزیر پارٹنر‘‘ قرار دیتے ہوئے کہا کہ دونوں ممالک کے درمیان تعلقات کی بہتری اور مضبوطی نہایت ضروری ہے۔
چندر آریہ نے سوشل میڈیا پلیٹ فارم X پر لکھا ’’اگر وزیر اعظم مودی 15 اور 17 جون کے درمیان ہونے والے G7 سربراہی اجلاس کے لیے کینیڈا آتے ہیں تو ان کا استقبال کرنا میرے لیے فخر کی بات ہو گی۔ جب میں گزشتہ جولائی میں پی ایم مودی سے ملا تھا، میں نے ان سے کہا تھا کہ ہندوستان اور کینیڈا، مشترکہ اقدار جیسے جمہوریت، تکثیریت اور قوانین پر مبنی عالمی نظام سے جڑے ہوئے ہیں۔‘‘
It would be my pleasure to welcome @narendramodi to Canada for the G7 meeting during June 15-17.
When I met @narendramodi last July, I emphasized that Canada and India are united by shared values—democracy, pluralism, and a rules-based international order.
India, an… https://t.co/DPeCWdCI5k pic.twitter.com/abq1lbjmWB— Chandra Arya (@AryaCanada) June 7, 2025
عالمی سطح پر ابھرتی ہوئی قوت ہے ہندوستان: چندرا آریہ
انھوں نے مزید کہا کہ ’’ہندوستان آج عالمی سطح پر ایک ابھرتی ہوئی طاقت ہے۔ اس کے اسٹریٹجک، اقتصادی اور آبادی سے متعلق کردار میں مسلسل اضافہ ہو رہا ہے۔ ہندوستان ہند بحرالکاہل خطے اور عالمی سطح پر کینیڈا کے لیے ایک ناگزیر شراکت دار ہے۔ کینیڈا کے لیے تجارت، سرمایہ کاری، پالیسیوں اور سول سوسائٹی کے حوالے سے ہندوستان کے ساتھ ایک مضبوط اور واضح فریم ورک بنانا ضروری ہے۔‘‘
جی 7 میں ہندوستان کی موجودگی ضروری: مارک کارنی
دریں اثنا کینیڈا کے وزیر اعظم مارک کارنی نے بھی بیان دیا ہے کہ G7 میں ہندوستان کی موجودگی ضروری ہے۔ انھوں نے کہا کہ کانفرنس میں توانائی، سیکورٹی، ڈیجیٹل مستقبل اور ضروری معدنیات جیسے مسائل پر تبادلۂ خیال کیا جائے گا، جس میں ہندوستان کی شرکت اہم ہے۔ مارک کارنی نے کہا ’’ہندوستان دنیا کی پانچویں سب سے بڑی معیشت اور سب سے زیادہ آبادی والا ملک ہے۔ یہ بہت سی عالمی سپلائی چینز کا کلیدی حصہ ہے۔ اس لیے ہندوستان کا اس بات چیت میں شامل ہونا ضروری ہے۔‘‘
انھوں نے مزید کہا کہ G7 صدر کی حیثیت سے وہ دوسرے ممالک سے بھی مشورہ کریں گے تاکہ ہندوستان جیسے اہم ممالک کو بحث میں شامل کیا جاسکے۔ واضح رہے کہ یہ پیش رفت اس لیے اہم ہے، کیوں کہ حال ہی میں ہندوستان اور کینیڈا کے تعلقات میں اس وقت تلخی آ گئی تھی جب کینیڈا نے دعویٰ کیا تھا کہ جون 2023 میں خالصتانی حامی اور کینیڈین شہری ہردیپ سنگھ نجار کے قتل میں ہندوستانی ایجنسیاں ملوث ہیں۔ تاہم ہندوستان نے ان الزامات کو یکسر مسترد کر دیا تھا، جس کے بعد دونوں ممالک نے ایک دوسرے کے سینئر سفارت کاروں کو ملک سے نکال دیا تھا۔ ایسی صورت میں اب G7 سربراہی اجلاس میں ہندوستان کو شامل کرنے کی کوششیں دونوں ممالک کے تعلقات میں ایک نئی شروعات کا اشارہ ہیں۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
