کینیڈا تنازع پر بھارت کو چین سے مل رہی ہے 'سپورٹ'، چینی میڈیا کا دعویٰ - امریکہ کے کہنے پر بھڑکا رہے ہیں ٹروڈو
نئی دہلی: ہندوستان نے کناڈا کے جھوٹ اورسازش کا منہ توڑ جواب دیتے ہوئے ہندوستان میں تعینات ایک سینئرکینیڈین سفارت کارکو ملک بدرکردیا۔ درحقیقت اس سے قبل وزیراعظم جسٹن ٹروڈو نے الزام لگایا تھا کہ خالصتانی دہشت گرد ہردیپ سنگھ ننجرکے قتل سے ہندوستانی حکومت کا تعلق ہے۔ کناڈا کی وزیرخارجہ میلانیا جولی نے پیرکے روزایک ہندوستانی سفارت کار کو ملک بدرکردیا۔ ہندوستان نے کناڈا کے اس مضحکہ خیزاقدام کا سختی سے جواب دیا ہے۔
وزارت خارجہ نے کہا، ’’ہندوستان میں کناڈا کے ہائی کمشنرکو آج طلب کیا گیا اورانہیں ہندوستان میں مقیم کناڈا کے سینئرسفارت کارکو ملک بدرکرنے کے حکومت ہند کے فیصلے سے آگاہ کیا گیا۔‘‘ متعلقہ سفارت کارکو آئندہ پانچ دنوں میں ہندوستان چھوڑنے کو کہا گیا ہے۔ یہ فیصلہ ہمارے اندرونی معاملات میں کناڈا کے سفارت کاروں کی مداخلت اورہندوستان مخالف سرگرمیوں میں ان کی شمولیت پرحکومت ہند کی بڑھتی ہوئی تشویش کو ظاہرکرتا ہے۔’
MEA says, “The High Commissioner of Canada to India was summoned today and informed about the decision of the Government of India to expel a senior Canadian diplomat based in India. The concerned diplomat has been asked to leave India within the next five days. The decision… pic.twitter.com/E3Uf9HVQLN
— ANI (@ANI) September 19, 2023
ہندوستان نے کناڈا کے الزامات کو مسترد کردیا
ہندوستان نے منگل کے روزکناڈا کی حکومت کے ان دعوؤں کو مسترد کر دیا کہ وہ خالصتانی دہشت گرد ہردیپ سنگھ نجار کے قتل میں ملوث تھا۔ وزارت خارجہ نے انہیں “بے ہودہ” قرار دیتے ہوئے ایک بیان میں کہا: “ہم نے کناڈا کے وزیراعظم کا بیان ان کی پارلیمنٹ میں دیکھا ہے اوران کے وزیرخارجہ کے بیان کو مسترد کرتے ہیں۔” بیان میں کہا گیا ہے کہ “کناڈا کے وزیراعظم نے ہمارے وزیراعظم کے خلاف بھی اسی طرح کے الزامات لگائے تھے اورانہیں مکمل طورپرمسترد کردیا گیا تھا۔” وزارت خارجہ نے کہا کہ “ہم ایک جمہوری ملک ہیں، جس کا قانون کی حکمرانی کے لئے مضبوط عزم ہے۔” سخت الفاظ میں بیان میں کہا گیا کہ “ہم کناڈا حکومت سے مطالبہ کرتے ہیں کہ وہ اپنی سرزمین سے کام کرنے والے تمام ہندوستان مخالف عناصرکے خلاف فوری اورمؤثرقانونی کارروائی کرے۔” وزارت خارجہ نے کہا، “اس معاملے پرکناڈا کی حکومت کی بےعملی ایک دیرینہ اورمسلسل تشویش رہی ہے۔”
جون میں ہوا تھا دہشت گرد نجـرکا قتل
واضح رہے کہ اسی سال جون مہینے میں خالصتانی حامی ہردیپ سنگھ نجّر کا قتل ہوگیا تھا۔ اس قتل سانحہ کے پیچھے ہندوستان کا ہاتھ ہے، کہتے ہوئے کناڈا کے ایک سینئرہندوستانی ہائی کمشنرکو کناڈا سے نکال دیا تھا۔ کناڈا کے اس الزام کو ہندوستان نے مسترد کرتے ہوئے کہا کہ کناڈا میں کسی بھی تشدد میں ہندوستانی حکومت کے ملوث ہونے کے تمام الزامات بے بنیاد اور سیاست سے متاثرہیں۔ ظاہر ہے کہ ہردیپ سنگھ نجّرکو ہندوستان کی سیکورٹی ایجنسیوں نے بھگوڑا اور دہشت گرد قرار دے رکھا تھا۔ اس کے علاوہ این آئی اے نے دہشت گرد ہردیپ سنگھ نجّرپر 10 لاکھ روپئے کا انعام بھی اعلان کر رکھا تھا۔ ہردیپ سنگھ نجّرکی اسی سال 18 جون کو کناڈا کے سرّے میں گولی مارکرقتل کردیا گیا تھا۔
بھارت ایکسپریس۔
