غالب انسٹی ٹیوٹ کے زیر اہتمام اردو ڈرامہ فیسٹیول کا افتتاح کیا گیا۔
نئی دہلی: غالب انسٹی ٹیوٹ کی ذیلی شاخ ’ہم سب ڈرامہ گروپ‘ کے زیر اہتمام اردو ڈرامہ فیسٹول کا افتتاح بدست ماہرہ احمد سومر 20 نومبر کو ایوان غالب میں ہوا۔ اس موقع پر غالب انسٹی ٹیوٹ کے ڈائریکٹرڈاکٹر ادریس احمد نے کہا کہ غالب انسٹی ٹیوٹ کا دائرہ صرف علمی مذاکرات کے انعقاد تک محدود نہیں ہے۔ اس ادارے کی ذیلی شاخ ’ہم سب ڈرامہ گروپ‘ ایک فعال گروپ ہے، جس نے ڈرامے کی دنیا میں فعال کردار پیش کیا ہے۔
اس شاخ کی بنیاد مرحومہ عابدہ احمد نے رکھی تھی۔ ان کا منصوبہ تھا کہ اس شاخ کے ذریعے اردو میں ڈرامے کی روایت کو ترقی دی جائے۔ مجھے خوشی ہے کہ آج اس فیسٹیول کا افتتاح بیگم عابدہ احمد کی پوتی ماہرہ احمد سومرکے دست مبارک سے ہو رہا ہے۔ افتتاحی اجلاس کے بعد پیئرٹ ٹروپ کی پیشکش ڈرامہ ’سرسید‘ تحریرو ہدایت ڈاکٹر محمد سعید عالم کے پیش کیا گیا، جس میں سر سید احمد خاں کا کردارتحسین منور نے بڑی خوبی سے نبھایا۔ اس موقع پر ڈرامے سے دلچسپی رکھنے والے افراد نے کثیر تعداد میں شرکت کی۔
-بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
