Amit Shah at Brahma Kumaris: مرکزی وزیرداخلہ امت شاہ نے آبوروڈ واقع برہما کماری ادارے میں منعقدہ سالانہ تھیم ‘میڈیٹیشن فارورلڈ یونٹی اینڈ ٹرسٹ’ کی افتتاحی تقریب میں ‘سیکورٹی فورسزکے اہلکاروں کے لیے آنترک جاگرتی کے ذریعہ خود کوبا اختیار بنانے’ پرخطاب کیا۔ انہوں نے کہا کہ ہمارے سپاہی اپنی زندگی کا سنہری دور-46 سے +46 ڈگری تک کے درجہ حرارت میں ہندوستان کی سرحدوں کی حفاظت کے لئے وقف کرتے ہیں۔
ہندوستان جلد بنے گا تیسری بڑی معیشت
اپنے خطاب میں وزیرداخلہ نے یہ بھی کہا کہ آزادی کے 75 سالوں میں ہندوستان پانچویں سب سے بڑی معیشت بنی ہے اورمستقبل قریب میں تیسری بڑی معیشت بننے کی طرف بڑھ رہا ہے۔ یہ کامیابی سیکورٹی فورسز، ریاستی پولیس اورملک کے تمام شہریوں کی اجتماعی کوششوں کا نتیجہ ہے۔
ذہنی سکون کے لئے ”راج یوگ دھیان“ کی اہمیت
وزیر داخلہ امت شاہ نے کہا کہ ملک کی پولیس اورفوج تناؤ کے ماحول میں کام کرتی ہے، ایسی صورتحال میں ذہنی سکون انتہائی ضروری ہے۔ اس سمت میں برہما کماری انسٹی ٹیوٹ کی طرف سے کی جا رہی کوششوں کی تعریف کرتے ہوئے انہوں نے کہا کہ یوگا اورمراقبہ (دھیان) سے سیکورٹی فورسزکو روحانی توانائی ملے گی۔ انہوں نے بانی دادا لیکھراج کرپلانی کو خراج عقیدت پیش کرتے ہوئے انسٹی ٹیوٹ کوامن کا مندرقراردیا۔
#WATCH आबू रोड, राजस्थान: ब्रह्माकुमारीज द्वारा ‘सुरक्षा बलों के कर्मियों के लिए आंतरिक जागृति के माध्यम से आत्म-सशक्तीकरण’ विषय पर आयोजित राष्ट्रीय संवाद और थीम के लोकार्पण समारोह को संबोधित करते हुए केंद्रीय गृह मंत्री अमित शाह ने कहा, “सशस्त्र बलों के सुरक्षाकर्मियों के त्याग… pic.twitter.com/iIwUgs1abV
— ANI_HindiNews (@AHindinews) April 17, 2025
وزیراعلیٰ بھجن لال نے کی وزیرداخلہ کی تعریف
وزیراعلیٰ بھجن لال شرما نے امت شاہ کی قائدانہ صلاحیت اور ملک کی سیکورٹی پالیسی میں ان کے تعاون کی نشاندہی کی۔ انہوں نے آرٹیکل 370 ہٹانے اورنکسل واد پر زیرو ٹولرنس کی حکمت عملی کی تعریف کرتے ہوئے کہا کہ ان اقدامات سے ملک میں امن اور ترقی کی نئی راہیں کھلی ہیں۔
400 سے زیادہ سیکورٹی اہلکاراور افسران رہے موجود
پروگرام میں بحریہ، آرمی اورفضائیہ کے 400 سے زائدافسران اورجوانوں نے خصوصی طور پرشرکت کی۔ اس چارروزہ کانفرنس میں شرکاء ”راج یوگ دھیان“ مراقبہ اورروحانی اصولوں کے بارے میں گہرا علم حاصل کریں گے۔ وزیرداخلہ کی موجودگی کے پیش نظر شانتی ون کمپلیکس میں سیکورٹی کے سخت انتظامات کئے گئے تھے۔ ایس پی جی کمانڈوز، ضلعی پولیس فورس اوردیگرسیکورٹی فورسزنے پورے انتظامات کی ذمہ داری سنبھالی۔ ڈائمنڈ ہال میں داخل ہونے سے پہلے تمام زائرین کی سیکیورٹی چیک کی گئی۔ یہ پروگرام محض ایک کانفرنس نہیں تھی بلکہ ملک کی سلامتی اورروحانی شعورکو جوڑنے والا ایک پل ثابت ہوا۔ امت شاہ کی موجودگی اور برہما کماریوں کے راج یوگ پیغام نے ایک گہرے روحانی تجربے کو جنم دیا۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
