وزیراعظم نریندر مودی کو قبرص کے اعلیٰ ترین سول اعزاز ’’گرینڈ کراس آف دی آرڈر آف مکاریوس سوم‘‘ سے نوازا گیا ہے، جو قبرص کی حکومت کی طرف سے غیر معمولی خدمات پر سربراہان مملکت کو دیا جاتا ہے۔ یہ اعزاز بھارت کی قیادت اور عالمی سفارتی سطح پر ملک کی بڑھتی ہوئی اہمیت کا مظہر قرار دیا جا رہا ہے۔
وزیر داخلہ امت شاہ نے دی مبارکباد
اس موقع پر وزیر داخلہ امت شاہ نے وزیراعظم کو مبارکباد دیتے ہوئے سوشل میڈیا پلیٹ فارم ’ایکس‘ پر پوسٹ کرتے ہوئے کہا کہ ’’وزیراعظم نریندر مودی جی کو قبرص کے اعلیٰ ترین شہری اعزاز ‘گرینڈ کراس آف دی آرڈر آف مکاریوس III’ سے نوازے جانے پر مبارکباد۔ یہ عالمی سطح پر بھارت کی مسلسل بلند ہوتی ہوئی حیثیت کو ظاہر کرتا ہے۔ یہ وزیراعظم کو دیا جانے والا 21واں بین الاقوامی اعزاز ہے، جس سے وہ بھارت کی تاریخ کے سب سے زیادہ اعزاز یافتہ لیڈر بن گئے ہیں۔ ایسے اعزازات نہ صرف ان کی قیادت کا اعتراف ہیں بلکہ بھارت کی عالمی سفارتی پوزیشن کو بھی مضبوط کرتے ہیں۔‘‘
Congratulations to PM Shri @narendramodi Ji on being conferred with Cyprus’s highest civilian award, the ‘Grand Cross of the Order of Makarios III.’
This reflects the continuously rising stature of India on the global stage. This is the 21st international award given to our PM,… pic.twitter.com/UbG6OwuSOW
— Amit Shah (@AmitShah) June 16, 2025
وزیر اعظم کو ایک اور عالمی اعزاز مبارک ہو: پیوش گوئل
وہیں مرکزی وزیر پیوش گوئل نے بھی اس موقع پر نریندر مودی کو مبارکباد دی۔ انھوں نے کہا کہ ’’عزت مآب وزیراعظم نریندر مودی جی کو ایک اور عالمی اعزاز مبارک ہو۔ قبرص نے انھیں اپنا اعلیٰ ترین اعزاز ’گرینڈ کراس آف دی آرڈر آف مکاریوس III‘ دیا ہے۔ یہ ان کی متحرک قیادت، عوامی خدمت کے لیے انتھک جذبے اور بین الاقوامی تعاون کو فروغ دینے میں ان کے بڑھتے ہوئے کردار کو خراج تحسین ہے۔‘‘
واضح رہے کہ وزیراعظم مودی اتوار کی دوپہر (مقامی وقت کے مطابق) قبرص پہنچے تھے، جو دو دہائیوں بعد کسی بھارتی وزیراعظم کا پہلا دورۂ قبرص ہے۔ انھیں لارناکا انٹرنیشنل ایئرپورٹ پر قبرص کے صدر نے خوش آمدید کہا۔ بعد ازاں نیکوسیا میں صدارتی محل پر ان کا باضابطہ استقبال کیا گیا۔ اس دوران وزیراعظم مودی نے وہاں مقیم بھارتی برادری سے بھی ملاقات کی، جنھوں نے ان کا پرتپاک استقبال کیا۔ پھر انھوں نے قبرص کے صدر کے ہمراہ ایک بزنس راؤنڈ ٹیبل میں شرکت کی، جہاں دونوں ممالک کے سرکردہ کاروباری بھی موجود تھے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
