ہماچل پردیش کے وزیر اعلیٰ سکھویندر سنگھ سکھو۔ (فائل فوٹو)
All Party Meeting Himachal Pradesh: شملہ کی سنجولی مسجد تنازعہ سے پیدا ہوئے حالات پر تبادلہ خیال کرنے کے لئے جمعہ کو بلائی گئی آل پارٹی میٹنگ ختم ہوگئی ہے۔ میٹنگ کے بعد وزیراعلیٰ سکھویندر سنگھ سکھو میڈیا سے مخاطب ہوئے۔ انہوں نے کہا کہ سبھی پارٹیوں سے اہم مشورے ملے ہیں۔ کل جماعتی پارٹی کی میٹنگ میں ایک تجویزآپسی رضا مندی سے منظورکیا گیا۔ عوام سے امن وامان بنائے رکھنے کی اپیل کی گئی۔ ہماچل پردیش میں ہمیشہ بھائی چارہ اورہم آہنگی قائم رہا ہے۔
وزیراعلیٰ سکھویندر سنگھ سکھو نے کہا کہ ریاست میں سیاحوں کا استقبال ہے۔ ہماچل پردیش پوری طرح محفوظ ہے۔ انہوں نے بتایا کہ آل پارٹی میٹنگ میں نئی اسٹریٹ وینڈرپالیسی بنانے پرتبادلہ خیال ہوا۔ انہوں نے کہا کہ اسمبلی اسپیکرکلدیپ سنگھ پٹھانیا کوایک خط لکھا جائے گا۔ خط کے ذریعہ سے اسٹریٹ وینڈرپالیسی پرجلد کمیٹی تشکیل دینے کی اپیل کی جائے گی۔ سکھو نے بتایا کہ معاملہ اسمبلی کے مانسون اجلاس میں بھی اٹھا تھا۔ اس وقت بھی سبھی پارٹیوں کے نمائندوں سے متعلق کمیٹی تشکیل دینے کی بات کہی گئی تھی۔
आज की सर्वदलीय बैठक में सर्वसम्मति से यह निर्णय लिया गया है कि विधानसभा अध्यक्ष से अनुरोध किया जाए कि वे प्रदेश की स्ट्रीट वेंडर्स पॉलिसी पर विचार करने के लिए एक संयुक्त समिति का गठन करें।
हिमाचल प्रदेश में शांति व्यवस्था बनाए रखना हमारी प्राथमिक जिम्मेदारी है। pic.twitter.com/6NXaKBerBm
— Sukhvinder Singh Sukhu (@SukhuSukhvinder) September 13, 2024
سکھویندرسنگھ سکھو نے کہا کہ آج کی آل پارٹی میٹنگ میں اتفاق رائے سے یہ فیصلہ لیا گیا ہے کہ اسمبلی اسپیکر سے گزارش کی جائے گی کہ وہ پردیش کی اسٹریٹ وینڈرس پالیسی پر تبادلہ خیال کرنے کے لئے ایک مشترکہ کمیٹی کی تشکیل کریں۔
نئی اسٹریٹ پالیسی بنانے پر تبادلہ خیال
وزیراعلیٰ سکھویندر سنگھ سکھونے کہا کہ کمیٹی ریاست میں نئی اسٹریٹ وینڈر پالیسی پرمشورہ دے گی۔ آل پارٹی میٹنگ میں مقامی تنازعہ کو قانون کے مطابق جلداز جلد حل کرنے پرفیصلہ ہوا۔ انہوں نے سنجولی مسجد کمیٹی کے قدم کا بھی استقبال کرتے ہوئے کہا کہ کمیٹی نے خود ہی مسجد کے بتائے جا رہے غیرقانونی حصے کو ہٹانے کی بات کہی ہے۔
سنجولی مسجد تنازعہ پرآل پارٹی میٹنگ
واضح رہے کہ آل پارٹی میٹنگ کی صدارت وزیراعلیٰ سکھویندرسنگھ سکھو نے کی۔ آل پارٹی میٹنگ میں ہماچل کانگریس کی ریاستی صدرپرتبھا سنگھ، شملہ کے رکن اسمبلی ہریش جنارتھا، بی جے پی رکن اسمبلی رندھیر شرما، عام آدمی پارٹی کے ریاستی صدرسرجیت سنگھ ٹھاکر، کمیونسٹ پارٹی آف انڈیا (مارکسسٹ) کے سابق رکن اسمبلی راکیش سنگھا اورمیونسپل کارپوریشن شملہ کے سابق میئرسنجے چوہان بھی شامل ہوئے۔
بھارت ایکسپریس–
