اتراکھنڈ کے ضلع دہرادون کے سیلاکوئی علاقے میں تریپورہ کے طالب علم اینجل چکما کے قتل کو لے کر سیاسی ہلچل تیز ہو گئی ہے۔ اس معاملے میں ریاست کے وزیر اعلیٰ پشکر سنگھ دھامی نے 29 دسمبر کو متاثرہ خاندان سے بات کی۔ اسی دوران کانگریس کے سابق صدر راہل گاندھی نے اس واقعے کو ایک خوفناک نفرت انگیز جرم قرار دیا ہے۔راہل گاندھی نے ایکس پر پوسٹ کرتے ہوئے کہا کہ ہمیں ایسا مردہ سماج نہیں بننا چاہیے جو ملک کے شہریوں کو نشانہ بنائے جانے پر آنکھیں بند کر لے۔ اس طرح کے واقعات نفرت کا نتیجہ ہیں، جو روزانہ نوجوانوں کے درمیان پھیلائی جا رہی ہیں۔راہل گاندھی نے اپنی پوسٹ میں لکھا، ’’دہرادون میں اینجل چکما اور ان کے بھائی مائیکل کے ساتھ جو ہوا، وہ ایک بھیانک نفرت انگیز جرم ہے۔ نفرت راتوں رات پیدا نہیں ہوتی۔ اسے روزانہ، خاص طور پر ہمارے نوجوانوں کو، زہریلے مواد اور غیر ذمہ دارانہ مباحث کے ذریعے پیش کیا جا رہا ہے۔ برسراقتدار بی جے پی کی نفرت پھیلانے والی قیادت نے اسے معمول بنا دیا ہے۔‘‘
انہوں نے مزید کہا، ’’بھارت عزت اور اتحاد پر بنا ہے، نہ کہ خوف اور بدسلوکی پر۔ ہم محبت اور تنوع والا ملک ہیں۔ ہمیں ایسا مردہ سماج نہیں بننا چاہیے جو اپنے ہی بھارتی شہریوں کو نشانہ بنائے جانے پر خاموش رہے۔ ہمیں خود احتسابی کرنی چاہیے اور یہ سمجھنا چاہیے کہ ہم اپنے ملک کو کس سمت میں لے جا رہے ہیں۔‘‘راہل گاندھی نے کہا، ’’میری ہمدردیاں چکما خاندان اور تریپورہ و شمال مشرق کے لوگوں کے ساتھ ہیں۔ ہمیں آپ کو اپنے بھارتی بھائی بہن کہنے پر فخر ہے۔‘‘
What happened to Anjel Chakma and his brother Michael in Dehradun is a horrific hate crime.
Hate doesn’t appear overnight. For years now it is being fed daily – especially to our youth – through toxic content and irresponsible narratives. And it’s being normalised by the… pic.twitter.com/eDN7XiIGZ2
— Rahul Gandhi (@RahulGandhi) December 29, 2025
وزیر اعلیٰ دھامی کی مقتول کے والد سے بات
وزیر اعلیٰ پشکر سنگھ دھامی نے طالب علم اینجل چکما کی موت پر ان کے والد سے فون پر گفتگو کی اور گہرے رنج و غم کا اظہار کیا۔ انہوں نے ریاستی حکومت کی جانب سے کارروائی اور ہر ممکن مدد کی یقین دہانی کرائی۔ ان کا کہنا تھا کہ یہ ایک افسوسناک واقعہ ہے اور اس سے سبھی کو صدمہ پہنچا ہے۔ اس معاملے میں سخت کارروائی کی جائے گی اور ملزمان کو گرفتار کر لیا گیا ہے۔
نسلی حملے میں گئی اینجل چکما کی جان
قابلِ ذکر ہے کہ تریپورہ کے 24 سالہ ایم بی اے طالب علم اینجل چکما پر ایک کینٹین میں نسلی بنیاد پر حملہ کیا گیا تھا۔ وہ 17 دن تک اسپتال میں زیر علاج رہا، تاہم بالآخر زخموں کی تاب نہ لاتے ہوئے اس کی موت ہو گئی۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
