کوثر جہاں کی دہلی کے ایل جی سے خصوصی ملاقات
نئی دہلی: مقدس حج 2024 کے لیے اقلیتی امور کی وزارت، حکومت ہند کی طرف سے عازمین حج کے ڈیجیٹل انتخاب کے ٹھیک دودن بعد آج 31 جنوری کو دہلی حج کمیٹی کی چیئرپرسن محترمہ کوثر جہاں نے دہلی کے گورنر جناب ونئے کمار سکسینہ کے ساتھ ایک خصوصی ملاقات میں اقلیتی مسائل اور خاص طور پر حج 2024 سے متعلق مختلف قسم کی تیاریوں سے متعلق مختلف امور پر تفصیلی بات چیت ہوئی۔ انہوں نے کہا کہ دہلی کے ایل جی، محترم ونے کمار سکسینہ نے اپنی طرف سے یقین دلایا کہ دہلی ایمبارکیشن پوائنٹ سے حج کے لیے پرواز کرنے والے عازمین حج کو دہلی میں کسی قسم کی پریشانی کا سامنا نہیں کرنا پڑے گا اور انہیں تمام سہولیات فراہم کی جائیں گی۔ مطلوبہ سہولیات مکمل طور پر فراہم کی جائیں گی۔
واضح رہے کہ ہندوستان بھر میں کل 20 حج ایمبارکیشن پوائنٹ ہیں جہاں سے عازمین حج کے لیے روانہ ہوتے ہیں۔ جس میں دہلی سب سے بڑا ایمبارکیشن پوائنٹ ہے جہاں سے اس بارسب سے زیادہ تقریبا 22000 عازمین حج مقدس حج بیت اللہ کے لیے پرواز کریں گے اور دہلی اسٹیٹ حج کمیٹی ان تمام عازمین حج کے لیے تمام قسم کی مقامی سہولیات فراہم کرے گی۔
بھارت ایکسپریس۔
