ہندوستان اور پاکستان کے درمیان حالیہ بڑھتی ہوئی کشیدگی کے دوران ہندوستانی فوج نے بے مثال جرأت اور بہادری کا مظاہرہ کیا۔ فوج نے سرحدی ریاستوں میں کئی شہروں کو محفوظ رکھا۔ پاکستان کی طرف سے ڈرون اور میزائل جیسے فضائی حملے بروقت تباہ کر دیئے گئے اور کسی بھی نقصان کو کوئی راہ نہیں ملنے دی گئی۔
فوج نے دکھایا ڈیمو
اس دوران ہندوستانی فوج کے فضائی دفاعی نظام نے اہم کردار ادا کیا۔ اس حوالے سے پیر کو فوج نے ایک ڈیمو دیا کہ کس طرح آکاش میزائل سسٹم اور L-70 ایئر ڈیفنس گن نے امرتسر اور پنجاب کے دیگر شہروں میں گولڈن ٹیمپل کو بچایا۔ 15 انفنٹری ڈویژن کے جنرل آفیسر کمانڈنگ (جی او سی) میجر جنرل کارتک سی شیشادری نے کہا کہ پاکستان کا مقصد صرف فوجی اڈوں کو نشانہ بنانا نہیں تھا بلکہ مذہبی مقامات کو بھی نشانہ بنانا تھا۔ انٹیلی جنس معلومات کی بنیاد پر سب سے بڑا خطرہ گولڈن ٹیمپل کو تھا۔
#WATCH | Amritsar, Punjab: Indian Army shows a demo of how Indian Air Defence systems, including AKASH missile system, L-70 Air Defence Guns, saved the Golden Temple in Amritsar and cities of Punjab from Pakistani missile and drone attacks. pic.twitter.com/yulFvSFqKv
— ANI (@ANI) May 19, 2025
انھوں نے کہا کہ ’’ہمیں پہلے ہی شبہ تھا کہ پاکستانی فوج ہمارے فوجی اڈوں کے ساتھ ساتھ شہری اور مذہبی مقامات کو بھی نشانہ بنا سکتی ہے۔ اسی لیے ہم نے گولڈن ٹیمپل کی حفاظت کے لیے جدید فضائی دفاعی ہتھیار تعینات کیے تھے۔‘‘ واضح رہے کہ پاکستان نے 8 مئی کی صبح اندھیرے میں بڑا فضائی حملہ کیا، اس حملے میں ڈرون اور طویل فاصلے تک مار کرنے والے میزائلوں کا استعمال کیا گیا۔ لیکن بھارتی فوج پوری طرح چوکس تھی۔ ایئر ڈیفنس گنرز نے تمام ڈرونز اور میزائلوں کو فضا میں ہی مار گرایا اور گولڈن ٹیمپل کو مکمل طور پر محفوظ رکھا۔
دہشت گردوں کے ٹھکانوں پر بھارت کی سرجیکل اسٹرائیک
اس کے ساتھ ہی میجر جنرل شیشادری نے بتایا کہ پہلگام میں دہشت گردانہ حملے کے بعد ہندوستان نے ’’آپریشن سندور‘‘ شروع کیا۔ اس آپریشن میں پاکستان کے اندر دہشت گردوں کے نو ٹھکانوں کو نشانہ بنایا گیا۔ انھوں نے کہا ’’ہم نے صرف دہشت گردوں کو نشانہ بنایا۔ لشکر طیبہ کے ہیڈ کوارٹر مریدکے اور جیش محمد کے ہیڈ کوارٹر بہاولپور جیسے اہداف پر انتہائی درست حملے کیے گئے۔ ہم نے جان بوجھ کر پاکستانی فوج یا شہری اہداف کو نشانہ نہیں بنایا۔‘‘
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
