وزیر اعظم نے سوشل میڈیا پلیٹ فارم ایکس پر پوسٹ کرتے ہوئے کہا، ’’سابق وزیر اعظم چندرشیکھر جی کو ان کی جینتی پر خراجِ عقیدت پیش کرتا ہوں۔ اس سال ان کی 100ویں جینتی سال کا آغاز ہو رہا ہے اور یہ ایک خوشحال اور منصفانہ بھارت کے ان کے خواب کو حقیقت بنانے کے عزم کو دہرانے کا موقع ہے۔‘‘انہوں نے کہا، ’’چندرشیکھر جی کو ایک ایسے عوامی لیڈر کے طور پر یاد کیا جاتا ہے، جو جرات، مضبوط یقین اور جمہوری اقدار کے تئیں گہری وابستگی رکھتے تھے۔ بھارت کی مٹی سے گہرا تعلق رکھنے والے اور عام شہریوں کی امنگوں کے تئیں حساس، انہوں نے عوامی زندگی میں سادگی اور صاف گوئی کو فروغ دیا۔‘‘
بھارت کے نوجوانوں سے اپیل
انہوں نے مزید کہا، ’’مجھے وہ مواقع اچھی طرح یاد ہیں جب مجھے ان سے ملنے اور ملک کی ترقی سے متعلق مختلف موضوعات پر تبادلہ خیال کرنے کا موقع ملا۔ میں بھارت کے نوجوانوں سے اپیل کرتا ہوں کہ وہ ملک کی ترقی کے لیے ان کے خیالات اور کوششوں کے بارے میں زیادہ سے زیادہ پڑھیں۔‘‘
نتن گڈکری نے بھی انہیں یاد کرتے ہوئے خراجِ عقیدت پیش کیا
اس موقع پر مرکزی وزیر برائے سڑک نقل و حمل و شاہراہیں نتن گڈکری نے بھی انہیں یاد کرتے ہوئے خراجِ عقیدت پیش کیا اور ان کے خدمات کو سلام کیا۔
مرکزی وزیر شیوراج سنگھ چوہان نے اپنے پیغام میں کہا
وہیں مرکزی وزیر شیوراج سنگھ چوہان نے انہیں ایک مقبول سیاست دان اور زبردست مقرر قرار دیا۔ انہوں نے سوشل میڈیا ایکس پر لکھا، ’’مقبول سیاست دان، زبردست مقرر اور سابق وزیر اعظم چندرشیکھر جی کی جینتی پر کوٹی کوٹی نمن۔ محروم اور پسماندہ طبقات کی ہمہ جہت ترقی کے لیے وقف آپ کی زندگی ہم سب کے لیے باعثِ تحریک ہے۔‘‘
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
