پونے کے لوناوالا میں ایک خوفناک حادثے میں ایک پورا خاندان پانی کے تیز دھارے میں بہہ گیا۔ اس حادثے میں ایک 36 سالہ خاتون اور 13 سال اور 8 سال کی دو لڑکیوں کی موت ہوگئی ہے۔ یہاں ڈیم کے قریب دریا سے تین لاشیں برآمد ہوئی ہیں۔ ان کے علاوہ دو بچوں کی تلاش جاری ہے جو پانی کے تیز دھار میں اپنے اہل خانہ سمیت بہہ گئے تھے۔ حادثے کی ایک ہولناک ویڈیو منظر عام پر آئی ہے جس میں دیکھا جا سکتا ہے کہ پورا خاندان پانی کے تیز دھاروں میں گھرا ہوا ہے۔ وہاں موجود لوگ ان کی مدد کرنے کی کوشش کر رہے ہیں۔ ویڈیو میں دیکھا جا سکتا ہے کہ کوئی رسی پھینک کر انہیں بچانے کی کوشش کر رہا ہے تو کوئی سب کو ایک دوسرے سے بندھے رہنے کا مشورہ دے رہا ہے۔ کچھ ہی دیر میں وہ سب تیز دھاروں کے ساتھ بہہ جاتے ہیں۔
महाराष्ट्र में पुणे के लोनावाला इलाके में पिकनिक मनाने आये एक परिवार पर मौत काल बनकर टूटी। झरने में डूबने से महिला और 4 बच्चों की मौत हो गई। झरने के नीचे काई लगे पत्थरों पर ये लोग खड़े थे और संभवत: फिसल गए। जिससे 5 लोगो क़ी जान चली गई। #HeavyRain #lonawala pic.twitter.com/kEYMtPwnJ3
— TRUE STORY (@TrueStoryUP) June 30, 2024
اس دوران لوگوں نے رسی پھینک کر ان کو بچانے کی کوشش کی لیکن کامیابی نہیں ملی، حادثے کے بارے میں مقامی پولیس کا کہنا ہے کہ یہ انصاری خاندان تھا، جو بارش کے دن سے لطف اندوز ہونے کے لیے بھوشی ڈیم کے قریب آبشار سے لطف اندوز ہونے آیا تھا۔ اس دوران بتایا جا رہا ہے کہ اچانک سیلاب آیا اور وہ پانی کے تیز دھاروں کے بیچ میں پھنس گئے۔ وہاں موجود لوگوں نے انہیں بچانے کی کوشش کی۔ کسی نے رسی پھینکی اور کسی نے ایک دوسرے کو اسکارف سے باندھنے کا مشورہ دیا،لیکن سب بےکار ثابت ہوا۔
اس کے بعد چند ہی لمحوں میں ایک ایک کر کے گھر والے پانی میں ڈوبنے لگے۔ موقع پر چیخ و پکار مچ گئی۔ ویڈیو میں دیکھا جا سکتا ہے کہ تیز کرنٹ کی وجہ سے یہ سب ایک دوسرے سے الگ ہو جاتے ہیں اور ایک ایک کر کے پانی میں بہنے لگتے ہیں۔مقامی انتظامیہ کے مطابق اس حادثے کے بعد 36 سالہ خاتون، ایک 13 سالہ اور ایک 8 سالہ بچی کی لاشیں نکال لی گئی ہیں۔ ان کے علاوہ حادثے کے بعد ایک 9 سالہ اور ایک چار سال کے بچے کی تلاش جاری ہے۔
بھارت ایکسپریس۔
