وزارت داخلہ کی دوسری منزل پر لگی آگ ، آگ میں کسی جانی نقصان کی کوئی خبر نہیں
Fire In MHA Office: دہلی میں شدید گرمی کے بیچ آگ لگنے کے واقعات بھی سامنے آرہے ہیں۔ مرکزی سیکرٹریٹ کے نارتھ بلاک میں واقع وزارت داخلہ (ایم ایچ اے) کے دفتر کی دوسری منزل پر 16 اپریل کی صبح آگ لگ گئی۔ یہ معلومات دیتے ہوئے فائر ڈپارٹمنٹ کے ایک اہلکار نے بتایا کہ اس آگ میں کسی جانی نقصان کی کوئی خبر نہیں ہے۔
خبر رساں ایجنسی پی ٹی آئی کے مطابق دہلی فائر سروس (ڈی ایف ایس) کے ایک سینئر عہدیدار نے بتایا کہ اطلاع ملتے ہی فائر بریگیڈ کی سات گاڑیاں موقع پر پہنچ گئیں اور صبح 9:35 بجے تک آگ پر قابو پالیا گیا۔ ڈی ایف ایس کے مطابق وزارت داخلہ کے دفتر کے آئی سی ڈویژن میں دوسری منزل پر صبح تقریباً 9.20 بجے آگ لگنے کی اطلاع ملی۔جس کے بعد فائر فائٹرز نے 9.35 بجے پر آگ قابو پالیا۔
BIG BREAKING 🚨
A massive fire broke out in the North Block which houses Home Ministry & the Finance Ministry.
Is Modi Govt burning ‘The Modi Files’ sensing its defeat in Loksabha 2024? pic.twitter.com/ufz34Sa9r7
— Ankit Mayank (@mr_mayank) April 16, 2024
اے سی یونٹ سے شروع ہونے والی آگ دستاویزات تک پہنچ گئی
مرر ناؤ کی رپورٹ کے مطابق آگ اے سی یونٹ سے شروع ہوئی تھی۔ اہلکار نے بتایا کہ اس واقعے میں اے سی، زیراکس مشین، کچھ کمپیوٹر اور کچھ دستاویزات کے ساتھ ساتھ پنکھو ں میں بھی آگ لگ گئی تھی اور انہیں ن کافی نقصان پہنچا ہے۔ انہوں نے کہا کہ اس واقعہ میں کسی جانی نقصان کی اطلاع نہیں ہے۔ عہدیدار نے بتایا کہ مرکزی وزیر داخلہ امت شاہ آگ کے وقت عمارت میں موجود نہیں تھے۔ لیکن کئی سینئر عہدیدار وہاں موجود تھے۔
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
