لکھنؤ میں کانگریس لیڈر پون کھیڑا کے خلاف پی ایم مودی کے والد پر نازیبا تبصرہ کرنے پر ایف آئی آر
Pawan Khera: کانگریس کے ترجمان پون کھیڑا کے پی ایم مودی اور ان کے والد کے بارے میں کیے گئے تبصرے پر تنازعہ کھڑا ہوگیا ہے۔ اب کانگریس لیڈر اور ترجمان پون کھیڑا کے خلاف اتر پردیش کی راجدھانی لکھنؤ کے حضرت گنج پولیس اسٹیشن میں مقدمہ درج کیا گیا ہے۔ لکھنؤ بی جے پی میٹروپولیٹن صدر مکیش شرما نے پون کھیڑا کے خلاف یہ مقدمہ درج کرایا ہے۔
دوسری طرف بی جے پی لیڈر مکیش شرما نے میٹرو پولیٹن انچارج، ریاستی جنرل سکریٹری اور سینئر عہدیداروں کے ساتھ حضرت گنج انسپکٹر کو شکایت دی ہے اور اس پر سخت کارروائی کا مطالبہ کیا ہے۔ تحریر میں وزیر اعظم مودی کے والد کے بارے میں نازیبا ریمارکس کا الزام لگایا گیا ہے۔
بی جے پی لیڈر مکیش شرما نے لگایا الزام
مکیش شرما میٹروپولیٹن صدر نے الزام لگایا کہ پون کھیڑا نے ملک کے کروڑوں لوگوں کو تکلیف پہنچانے کے مقصد سے وزیر اعظم نریندر مودی کے خلاف بدنیتی پر مبنی بیان دیا۔ انہوں نے مزید کہا کہ “کانگریس لیڈر پون نے پی ایم مودی کے آنجہانی والد دامودر داس مول چند مودی پر غلط تبصرہ کیا اور کہا کہ نریندر مودی کے والد نریندر گوتم داس مودی ہیں۔ انہوں نے یہ بھی کہا کہ نریندر گوتم داس مودی کو کیا مسئلہ ہے اور یہ گوتم داس ہے یا دامودر داس؟ طنزیہ ہنسی کے ساتھ کہا کہ نام اگرچہ دامودر داس ہے لیکن ان کے اعمال گوتم داس جیسے ہیں۔
یہ بھی پڑھیں- Turkey Earthquake: پی ایم مودی نے ترکی سے لوٹی این ڈی آر ایف کی ریسکیو ٹیم سے ملاقات کی، کہا – ہمارے لیے انسانیت سب سے اہم
بی جے پی رہنما نے مزید کہا، “اس طرح ہندوستان کے وزیر اعظم کے مرحوم والد کو انڈین نیشنل کانگریس کے ترجمان پون کھیرا نے گوتم اڈانی کے ساتھ جوڑ کر جان بوجھ کر ان کا مذاق اڑایا۔ جس سے ملک کے عوام کے جذبات مجروح ہوئے۔ پون کھیڑا کے خلاف مقدمہ درج کرکے سخت کارروائی کی جائے۔
@INCIndia कांग्रेस प्रवक्ता पवन खेड़ा पर fir दर्ज @BJP4UP महानगर अध्यक्ष और एमएलसी मुकेश शर्मा ने कराई fir दर्ज। हजरतगंज पुलिस ने दर्ज की fir। 153ए,500, 504, 505( 2)धारा में हजरतगंज कोतवाली में fir दर्ज।पीएम मोदी के पिता को लेकर कांग्रेस प्रवक्ता पवन खेड़ा ने दिया था विवादित बयान pic.twitter.com/NSz1V11zCk
— Syed Ahsan Raza Rizvi (@AhsanRizzvi) February 20, 2023
پون کھیڑا نے کیا کہا؟
قابل ذکر ہے کہ 17 فروری کو اڈانی-ہنڈن برگ معاملے پر کانگریس کی پریس کانفرنس کے دوران پون کھیڑا نے وزیر اعظم کو نریندر گوتم داس مودی کہ کر پکارا، لیکن بعد میں انہوں نے یہ بھی واضح کیا کہ وہ واقعی وزیر اعظم کے پورے نام کو لے کر کنفیوز تھے۔ اس بیان کے بعد سے بی جے پی کارکنوں نے ہنگامہ کھڑا کر دیا ہے۔
-بھارت ایکسپریس
