فجی کے وزیراعظم سیتی وینی رابوکا نے پیر کو نئی دہلی میں صدر دروپدی مرمو سے راشٹرپتی بھون میں ملاقات کی۔ اس موقع پر وزیراعظم نریندر مودی اور فجی کے وزیر اعظم نے دو طرفہ مذاکرات کے بعد مشترکہ پریس کانفرنس سے خطاب کیا، جہاں پی ایم مودی نے دونوں ممالک کے درمیان مضبوط دوستی کے تعلقات کو سراہا اور کہا کہ بھارت اور فجی ایک ہی کشتی میں سوار ہیں۔
مذاکرات کے دوران متعدد اہم فیصلے کیے گئے جن میں فجی میں ایک اسپتال کی تعمیر، کرکٹرز اور پنڈتوں کی تربیت، ہندی اور سنسکرت اساتذہ بھیجنا اور زراعت کے لیے ڈرونز فراہم کرنا شامل ہیں۔ دونوں رہنماؤں نے دہشت گردی کی سخت مذمت کرتے ہوئے پہلگام حملے کی بھی نیتجوں پر افسوس کا اظہار کیا اور دہشت گردی کے خلاف تعاون بڑھانے پر اتفاق کیا۔ مشترکہ بیان میں دہشت گردی کے تمام پہلوؤں کی مذمت کی گئی اور دہشت گردی کی مالی معاونت، نئی ٹیکنالوجی کے دہشت گرد مقاصد کے لیے استعمال، دہشت گردوں کی بھرتی اور بین الاقوامی جرائم کے خلاف مشترکہ کوششوں کی ضرورت پر زور دیا گیا۔ بھارت اور فجی نے اقوام متحدہ سمیت دیگر عالمی فورمز پر دہشت گردی کے خلاف مل کر کام کرنے پر اتفاق کیا۔
اس کے علاوہ دو طرفہ تعلقات، عالمی امن، ماحولیاتی انصا اور جنوبی ملکوں کے حقوق کی ترویج پر بات چیت ہوئی۔ فجی کے وزیراعظم سیتی وینی رابوکا نے بھارت کی عالمی جنوبی ممالک میں قیادت کو سراہا اور اقوام متحدہ کی اصلاحات بشمول سیکیورٹی کونسل کی توسیع کی حمایت کا اعادہ کیا۔ فجی نے بھارت کی مستقل رکنیت اور 2028-29 کے لیے غیر مستقل رکنیت کی حمایت بھی کی۔ فجی کے وزیراعظم رابوکا کی بھارت آمد اتوار کو ہوئی اور ان کا دورہ 26 اگست تک جاری رہے گا۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
