دہلی کے وزیر اعلیٰ اروند کیجریوال کو عدالت سے ضمانت مل گئی ہے۔
شراب گھوٹالہ معاملے میں انفورسمنٹ ڈائریکٹوریٹ (ای ڈی) نے دہلی کے وزیراعلیٰ اروند کیجریوال کو آٹھواں سمن جاری کردیا ہے۔ ای ڈی کی طرف سے جاری کئے گئے گزشتہ 7 سمن پر عام آدمی پارٹی کے چیف ایجنسی کے سامنے پیش نہیں ہوئے ہیں۔ وہ مسلسل اس کو غیرقانونی قرار دیتے رہے ہیں۔ ساتھ ہی مرکزی حکومت پرلوک سبھا الیکشن سے پہلے گرفتار کرنے کا الزام لگاتے رہے ہیں۔
ای ڈی نے وزیراعلیٰ اروند کیجریوال کو 4 مارچ کو پیش ہونے کے لئے کہا ہے۔ وہیں ایجنسی کے ساتویں سمن پرپیرکے روز اروند کیجریوال حاضرنہیں ہوئے۔ انہوں نے کہا کہ انفورسمنٹ ڈائریکٹوریٹ کے سامنے تبھی پیش ہوں گے جب عدالت انہیں ایسا کرنے کا حکم دے گی۔ گزشتہ کچھ ماہ میں مسلسل سمن پرحاضرنہیں ہونے پر ای ٰڈی نے دہلی کی راؤز ایوینیو کورٹ کا رخ کیا تھا۔ اس سے پہلے ای ڈی نے 22 فروری کو کیجریوال کو ساتواں سمن بھیج کر26 فروری کو پوچھ گچھ کے لئے بلایا تھا۔ تاہم کیجریوال حاضرنہیں ہوئے ۔عام آدمی پارٹی کا کہنا تھا کہ معاملہ عدالت میں زیرالتوا ہے اوراس کی سماعت 16 مارچ کو ہے۔ ای ڈی کو روزانہ سمن بھیجنے کی جگہ عدالت کے فیصلہ کا انتظار کرنا چاہئے۔
The Enforcement Directorate has issued 8th summon to Delhi CM and AAP national convenor Arvind Kejriwal asking him to appear on March 4.
(file pic) pic.twitter.com/5jHYn4oDD6
— ANI (@ANI) February 27, 2024
کیجریوال عدالت میں ورچوئلی ہوئے تھے پیش
عام آدمی پارٹی ایجنسی کے سمن کو سیاست سے متاثربتا رہی ہے۔ کیجریوال کو ای ڈی نے گزشتہ سال 2 نومبر، 22 نومبر، 22 دسمبر، 3 جنوری 2024، 2 فروری اور 19 فروری 2024 کو پیش ہونے کے لئے سمن جاری کرچکی ہے۔ گزشتہ ہفتے دہلی کی راؤز ایوینیو کورٹ نے وزیراعلیٰ اروند کیجریوال کو عدالت میں انفرادی طور پر پیش ہونے کے لئے 16 مارچ تک کی چھوٹ دے دی تھی۔ انہوں نے کہا تھا کہ دہلی اسمبلی کے بجٹ سیشن کی وجہ سے وہ انفرادی طور پر حاضرنہیں ہوسکتے تھے۔ وہ ورچوئلی عدالت کے سامنے پیش ہوئے تھے۔
بھارت ایکسپریس۔
