الیکشن کمیشن نے ہریانہ اسمبلی الیکشن کے لئے ووٹنگ کی تاریخ میں تبدیلی کردی ہے۔
الیکشن کمیشن جمعہ 16 اگست کو ملک میں ہونے والے اسمبلی انتخابات کے پروگراموں کا اعلان کرنے جا رہا ہے۔ سہ پہر 3 بجے ایک پریس کانفرنس کا انعقاد کیا جائے گا ،جس میں بتایا جائے گا کہ کن ریاستوں میں اسمبلی انتخابات ہونے جا رہے ہیں۔ ہریانہ اور جموں و کشمیر میں اسمبلی انتخابات کی تاریخوں کا اعلان ہونے کا پورا امکان ہے۔ اس کی وجہ یہ ہے کہ ہریانہ اسمبلی کی میعاد 3 نومبر کو ختم ہو رہی ہے۔
اس کے ساتھ ہی سپریم کورٹ نے حکومت کو 30 ستمبر تک جموں و کشمیر میں انتخابات کرانے کی ہدایت دی تھی۔ آرٹیکل 370 کے خاتمے کے بعد سے یہاں انتخابات نہیں ہوئے ہیں۔ الیکشن کمیشن 30 ستمبر سے پہلے جموں و کشمیر میں اسمبلی انتخابات کرانے کا بھی ارادہ رکھتا ہے۔ الیکشن کمیشن نے حال ہی میں جموں و کشمیر کا دورہ کرکے انتخابی تیاریوں کا جائزہ لیا ہے۔ ایسے میں آئیے جانتے ہیں کہ اس بار جب جموں و کشمیر میں انتخابات ہوں گے تو کیا تبدیلی آئے گی۔
10 سالوں میں جموں و کشمیر میں کیا تبدیلی آئی؟
جموں و کشمیر میں آخری انتخابات 2014 میں ہوئے تھے۔ اس کے بعد سے ریاست میں کوئی انتخابات نہیں ہوئے ہیں۔ آرٹیکل 370 کے خاتمے کے بعد سے لوگ الیکشن کا انتظار کر رہے تھے۔ ایسے میں یہاں 10 سال بعد انتخابات ہو سکتے ہیں۔ ان 10 سالوں میں جموں و کشمیر میں جو سب سے بڑی تبدیلی آئی ہے وہ یہ ہے کہ اب یہ ریاست سے مرکز کے زیر انتظام علاقہ بن گیا ہے۔ لداخ اب جموں و کشمیر کا حصہ بھی نہیں رہا۔ جموں و کشمیر میں انتخابات مرکزی حکومت کے زیر انتظام ہوں گے۔
آرٹیکل 370 ہٹائے جانے کے بعد یہاں پہلی بار انتخابات ہونے جا رہے ہیں۔ یونین ٹیریٹری میں اسمبلی سیٹوں کی تعداد بھی بڑھ کر 90 ہو گئی ہے۔ یہاں قابل غور بات یہ ہے کہ پہلے حکومت کی مدت 6 سال تھی، لیکن اب یہ صرف 5 سال ہوگی۔ اس کے علاوہ مفتی محمد سعید کی غیر موجودگی میں پہلی بار انتخابات ہو سکتے ہیں۔ دوسری طرف کانگریس چھوڑنے کے بعد غلام نبی آزاد نے اپنی پارٹی بنا لی ہے، جو انتخابی میدان میں نظر آئے گی۔
اسمبلی سیٹوں کا کیا حساب ہے؟
جموں و کشمیر اسمبلی کے ساتھ مرکز کے زیر انتظام علاقہ ہے۔ مکمل ریاست کے خاتمے کے بعد اس کی اسمبلی کی تصویر بھی بدل گئی ہے۔ اب جموں و کشمیر میں 114 نشستیں ہیں ،جس میں سے 24 پاکستان مقبوضہ کشمیر (پی او کے) میں آتی ہیں۔ اس طرح صرف 90 نشستیں ہیں جن پر انتخابات ہوں گے۔ 90 میں سے 43 سیٹیں کشمیر ڈویژن کے حصے میں آئی ہیں ،جب کہ 47 جموں ڈویژن کے حصے میں آئی ہیں۔ اس سے قبل صرف 87 نشستوں پر انتخابات ہوئے تھے۔ اب 16 سیٹیں بھی ریزرو کر دی گئی ہیں، جو پہلے نہیں تھیں۔ ان میں سے 7 ایس سی اور 9 ایس ٹی کو ملے ہیں۔
2014 کے انتخابی نتائج کس کے حق میں تھے؟
جموں و کشمیر میں 2014 کے اسمبلی انتخابات کے دوران 87 سیٹوں پر ووٹنگ ہوئی تھی۔ ان میں سے پی ڈی پی نے 28 جب کہ بی جے پی نے 25 سیٹیں جیتیں۔ نیشنل کانفرنس نے 15 سیٹیں جیتی ہیں، کانگریس نے 12 سیٹیں جیتی ہیں ،جب کہ دیگر پارٹیوں نے 7 سیٹیں جیتی ہیں۔
اگر ہم ووٹنگ فیصد کی بات کریں تو پی ڈی پی کو سب سے زیادہ 23 فیصد ووٹ ملے۔ اس کے بعد بی جے پی کو بھی 23 فیصد ووٹ ملے۔ نیشنل کانفرنس کو 21 فیصد اور کانگریس کو 18 فیصد ووٹ ملے۔
2019 کے لوک سبھا انتخابات کا کیا نتیجہ نکلا؟
جموں و کشمیر میں حال ہی میں ہوئے لوک سبھا انتخابات میں پانچ سیٹوں پر ووٹنگ ہوئی۔ ان میں سے بی جے پی اور نیشنل کانفرنس نے دو دو سیٹیں جیتی ہیں ،جب کہ ایک آزاد نے ایک سیٹ جیتی ہے۔ بی جے پی کو 24 فیصد، نیشنل کانفرنس کو 22 فیصد، کانگریس کو 19 فیصد اور پی ڈی پی کو 8 فیصد ووٹ ملے۔
بھارت ایکسپریس
