مغربی بنگال کے بردھمان ضلع کے درگا پور میں ایک ہولناک واقعہ پیش آیا ہے۔ نجی میڈیکل کالج میں سیکنڈ ایئر کی طالبہ کو تین نوجوانوں نے اجتماعی جنسی زیادتی کا نشانہ بنایا۔ متاثرہ، جو اڈیشہ کی رہائشی ہے، اس وقت درگاپور کے ایک اسپتال میں علاج چل رہا ہے، جہاں اس کی حالت تشویشناک بتائی جا رہی ہے۔
واقعہ کب ہوا؟
یہ واقعہ جمعہ کی رات 8 سے 8:30 بجے کے درمیان پیش آیا، جب طالبہ کالج کیمپس کے باہر اپنے سہیلیوں کے ساتھ کھانا کھانے گئی تھی۔ تین نوجوان اس کے قریب آئے۔ سہیلیاں خوفزدہ ہو کر بھاگ گئیں لیکن ملزمین نے متاثرہ لڑکی کو پکڑ کر اس کا موبائل فون چھین لیا اور اسے زبردستی قریبی جنگل میں لے گئے۔ وہاں، تینوں نے اس کے ساتھ اجتماعی عصمت دری کی اور اسے دھمکی دی کہ اگر اس نے کسی کو بتایا تو اسے سنگین نتائج بھگتنے ہوں گے۔ انہوں نے یہ بھی دھمکی دی کہ اگر اس کو اپناموبائل فون واپس چاہیے تو رقم ادا کرنے ہوں گے۔
والد کا کیا کہنا ہے؟
واقعہ کی اطلاع ملتے ہی متاثرہ کے والدین ہفتہ کی صبح اڈیشہ سے درگا پور پہنچے۔ والدہ نے فوری پولیس کارروائی کا مطالبہ کیا جبکہ والد کا کہنا تھا کہ ‘ہم سمجھتے تھے کہ یہاں تعلیم اور سیکیورٹی اچھی ہے لیکن جو ہوا اس نے ہمیں جھنجھوڑ کر رکھ دیا، مجرموں کو سخت سے سخت سزا ملنی چاہیے۔
کیس کی تفتیش جاری
پولیس نے مقدمہ درج کر کے تفتیش شروع کر دی ہے۔ متاثرہ کا بیان ریکارڈ کر لیا گیا ہے اور ابتدائی تفتیش میں کئی اہم سراغ ملے ہیں۔ پولیس کا کہنا ہے کہ واقعہ پہلے سے طے شدہ تھا۔ متاثرہ لڑکی کی سہیلیوں سے بھی پوچھ گچھ کی جا رہی ہے۔ جائے وقوعہ کے اردگرد نصب سی سی ٹی وی کیمروں کی فوٹیج کا جائزہ لیا جا رہا ہے اور شواہد اکٹھے کرنے کے لیے فارنسک ٹیم روانہ کر دی گئی ہے۔
این سی ڈبلیو کی ایک ٹیم درگاپور کے لیے روانہ
قومی کمیشن برائے خواتین (این سی ڈبلیو) کی ایک ٹیم بھی درگاپور کے لیے روانہ ہوئی ہے۔ رکن ارچنا مجمدار نے کہا کہ ریاست میں خواتین کے خلاف جرائم میں اضافہ ہو رہا ہے اور پولیس کی بے عملی تشویشناک ہے۔ انہوں نے وزیر اعلیٰ ممتا بنرجی سے اپیل کی کہ وہ خواتین کی حفاظت کو یقینی بنانے کے لیے ٹھوس اقدامات کریں۔ محکمہ صحت نے کالج انتظامیہ سے تفصیلی رپورٹ بھی طلب کر لی ہے۔ اس واقعہ نے ایک بار پھر ریاست میں خواتین کی حفاظت پر سنگین سوالات کھڑے کردیئے ہیں۔
–بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
