ہندوستان کے لیے عازمین حج کوٹہ(منی میں قیام کیلئے مختص سلاٹ) میں کمی کے فیصلے نے سیاسی حلقوں میں ہلچل مچا دی ہے۔ کانگریس کے سینئر لیڈر ڈاکٹر سید ناصر حسین، جموں کشمیر کے وزیراعلیٰ عمر عبداللہ اور پیپلز ڈیموکریٹک پارٹی کی سربراہ محبوبہ مفتی نے اس فیصلے پر سخت اعتراضات اٹھائے ہیں اور حکومت ہند سے مطالبہ کیا ہے کہ وہ اس معاملے کو سعودی عرب کی حکومت کے ساتھ فوری طور پر اٹھائے۔ ان کا کہنا ہے کہ حج سلاٹ میں کمی سے ہزاروں بھارتی عازمین حج کے خواب سے محروم ہو سکتے ہیں، جو کہ ایک سنگین مسئلہ ہے۔ آپ کوبتادیں کہ ایک حالیہ رپورٹ کے مطابق، تقریباً 52 ہزارہندوستانی عازمین حج کیلئے ایک نئی مصیبت سامنے آگئی ہے ،چونکہ سعودی عرب نے منیٰ میں ان زونز کو منسوخ کر دیا ہے (مملکت میں حج کے دوران ایک اسٹاپ) جو پہلے نجی ٹور آپریٹرز کو الاٹ کیے گئے تھے اور جس کیلئے عازمین حج کی طرف سے ادائیگی کی بھی جاچکی تھی،لیکن اس کے باوجود 52ہزار سلاٹ منسوخ کردیا گیا ہے۔
ہندوستانی مسلمانوں کے جذبات کے ساتھ کھلواڑ ہورہا ہے:ڈاکٹر ناصر حسین
کانگریس کے راجیہ سبھا رکن اور سی ڈبلیو سی ممبر ڈاکٹر ناصر حسین کانگریس لیڈر ناصر حسین نے اسے ہندوستانی مسلمانوں کے جذبات کے ساتھ کھلواڑقرار دیتے ہوئے وزیر خارجہ سے مداخلت کی اپیل کی ہے۔ انہوں نے کہا کہ حج کوٹہ میں کمی کا فیصلہ بغیر کسی پیشگی اطلاع کے کیا گیا، جس سے عازمین میں مایوسی پھیل رہی ہے۔ انہوں نے مطالبہ کیا کہ وزارت خارجہ اس معاملے کو ترجیحی بنیادوں پر سعودی حکام کے سامنے اٹھائے اور بھارتی عازمین کے لیے مناسب انتظامات کو یقینی بنائے۔کانگریس لیڈرنے اس معاملے پر عوامی حمایت حاصل کرنے کے لیے سوشل میڈیا پر بھی مہم شروع کی ہے۔
Shocking to know that 52,000 Indian pilgrims’ Hajj slots has been canceled despite payments— I urge Hon’ble minister for External Affairs @DrSJaishankar to Immediately initiate talks with the Saudi authorities to find an solution and ensure India gets back the slots. India’s…
— Dr Syed Naseer Hussain,MP Rajya Sabha (@NasirHussainINC) April 13, 2025
راجیہ سبھا رکن ڈاکٹر سید ناصر حسین اپنے سوشل میڈیا اکاونٹ ایکس پر ایک پوسٹ میں لکھا کہ ‘یہ جان کر دکھ ہوا کہ رقومات کی ادائیگیوں کے باوجود 52,000 ہندوستانی عازمین کے حج سلاٹ منسوخ کر دیے گئے ہیں۔میں وزیر خارجہ ڈاکٹر ایس جے شنکر سے درخواست کرتا ہوں کہ وہ فوری طور پر سعودی حکام کے ساتھ بات چیت شروع کریں تاکہ کوئی حل تلاش کیا جا سکے اور یہ یقینی بنایا جائے کہ ہندوستان کو سلاٹ واپس مل جائے۔ ہندوستان کی بڑی مسلم آبادی بڑی تعداد میں سلاٹ کی مستحق ہے!
وزارت خارجہ سعودی حکام سے بات کرے:عمر عبداللہ
وہیں دوسری جانب جموں کشمیر کے وزیراعلیٰ عمر عبداللہ نے بھی سوال اٹھایا ہے۔ عمر عبداللہ نے کہا کہ 52,000 سے زیادہ ہندوستانی عازمین کے لئے حج کی منسوخی کی اطلاع، جن میں سے اکثر نے ادائیگی مکمل کر لی ہے، گہری تشویشناک کا باعث ہے۔میں وزیر خارجہ سے درخواست کرتا ہوں کہ وہ جلد از جلد سعودی حکام کے ساتھ تمام متاثرہ عازمین کے مفاد میں ایک حل تلاش کرنے کے لیے بات کریں۔ یہ اقدام اس سال مقدس زیارت کی امید رکھنے والے ہزاروں افراد کی پریشانی کو کم کرنے کے لیے اہم ہے۔
The reported cancellation of Hajj slots for over 52,000 Indian pilgrims, many of whom have already completed payments, is deeply concerning. I urge Hon’ble Minister of External Affairs @DrSJaishankar to engage with the Saudi authorities at the earliest to explore a resolution in…
— Office of Chief Minister, J&K (@CM_JnK) April 13, 2025
عازمین کو درپیش مشکلات کو حل کرے حکومت:محبوبہ مفتی
ادھر پی ڈی پی صدر محبوبہ مفتی نے کہا کہ حج ہر مسلمان کے لیے ایک اہم مذہبی فریضہ ہے اور اس میں کسی بھی قسم کی رکاوٹ ناقابل قبول ہے۔ انہوں نے مرکزی حکومت سے سوال کیا کہ کیا اس فیصلے کے بارے میں پہلے سے کوئی بات چیت ہوئی تھی یا یہ اچانک سامنے آیا ہے۔ انہوں نے مزید کہا کہ حکومت کو چاہیے کہ وہ سعودی عرب سے رابطہ کر کے کوٹہ بحال کروانے کی کوشش کرے اور عازمین کو درپیش مشکلات کو حل کرے۔
Disturbing news emerging from Saudi Arabia. Reports indicate that 80% of India’s private Haj quota has been cut abruptly. This sudden decision is causing immense distress for pilgrims and tour operators across the country.
Urge the Ministry of External Affairs to immediately…— Mehbooba Mufti (@MehboobaMufti) April 13, 2025
واضح رہے کہ سعودی عرب نے عالمی سطح پر کورونا وبا کے بعد سے حج کے انتظامات میں کئی تبدیلیاں کی ہیں، جن میں کوٹہ سسٹم بھی شامل ہے۔ تاہم،ہندوستان کے لیے مختص کوٹہ میں کمی کی وجوہات ابھی واضح نہیں ہیں۔ سیاسی لیڈروں کا کہنا ہے کہ یہ فیصلہ ہندوستان کے سفارتی تعلقات اور بات چیت کے فقدان کو ظاہر کرتا ہے۔دریں اثنا، عازمین حج کی جانب سے بھی اس فیصلے پر مایوسی کا اظہار کیا جا رہا ہے۔ کئی لوگوں نے بتایا کہ وہ برسوں سے حج کے لیے تیاری کر رہے تھے، لیکن کوٹہ میں کمی کی وجہ سے ان کا خواب پورا ہونا مشکل ہو گیا ہے۔اب دیکھنا یہ ہے کہ حکومت اس معاملے پر کیا ردعمل دیتی ہے اور کیا وہ سعودی عرب کے ساتھ بات چیت کے ذریعے کوٹہ بحال کروانے میں کامیاب ہو پاتی ہے۔ فی الحال، سیاسی جماعتیں اور عازمین اس مسئلے کے حل کے لیے حکومت پر دباؤ ڈال رہے ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
