اجیت پوارکی بیوہ سنیترا پوار نے بارامتی ضمنی الیکشن میں بڑی جیت حاصل کی ہے۔
مہاراشٹرکی بارامتی اسمبلی سیٹ پرہوئے ضمنی الیکشن میں نیشنلسٹ کانگریس پارٹی (این سی پی) کی سربراہ اورنائب وزیراعلیٰ سنیترا پوارنے زبردست جیت حاصل کی ہے۔ جیت یقینی ہوتے ہی سنیترا پوارجذباتی ہوگئیں اورانہوں نے اپنی اس کامیابی کوآنجہانی اجیت پوارکووقف کیا۔ انہوں نے کہا کہ اجیت دادا کے بغیران کا پہلا الیکشن تھا اورانہوں نے کبھی خواب میں بھی نہیں سوچا تھا کہ انہیں اس طرح انتخابی میدان میں اترنا پڑے گا۔ ان کے مطابق، بارامتی کی عوام نے جوزبردست ووٹنگ کی ہے، وہی اجیت دادا کے لئے ان کی سچی خراج عقیدت ہے۔
بارامتی اسمبلی سیٹ کے ضمنی الیکشن کے نتیجے کا آج باضابطہ اعلان کیا گیا۔ حالانکہ سنیترا پوارکی جیت پہلے سے ہی یقینی تھی، کیونکہ ان کے خلاف کانگریس، شیوسینا (یوبی ٹی)، این سی پی شرد پوارنے امیدوارنہیں اتارا تھا۔ حالانکہ ان کے خلاف نیوراشٹریہ سماج پارٹی کے امیدواراور21 آزاد امیدوارمیدان میں تھے۔ سنیترا پوارنے 168595 ووٹ حاصل کئے اور167927 سے جیت حاصل کی۔ ان کے خلاف کسی بھی امیدوار کوایک ہزار ووٹ بھی نہیں ملے۔
#WATCH | Mumbai | As she inches towards victory in the Bye Election to Baramati Assembly Constituency, Maharashtra Deputy CM and NCP leader Sunetra Pawar says, “The public have shown their trust, love, and sympathy for Dada (Ajit Pawar) through this voting…”
She further says,… pic.twitter.com/OK7dXG7wbO
— ANI (@ANI) May 4, 2026
بارامتی میرا خاندان اورترقی کا عزم
اپنی جیت کے بعد بارامتی کی عوام کا شکریہ ادا کرتے ہوئے سنیترا پوارنے کہا کہ بارامتی ان کے لئے صرف ایک انتخابی حلقہ نہیں بلکہ ان کا اپنا خاندان ہے۔ انہوں نے وعدہ کیا کہ وہ اپنے لوگوں کی خدمت کرنے اورترقیاتی کاموں کے ذریعہ اجیت پوارکے ادھورے خوابوں کوپورا کرنے کے لئے ہمیشہ تیاررہیں گی۔ ڈپٹی سی ایم نے لوگوں کویقین دلایا کہ وہ علاقے کی ترقی کے لئے تندہی سے کام کرتی رہیں گی۔ جیت کے درمیان، انہوں نے لوگوں سے امن برقراررکھنے اورمل کرکام کرنے کی پرزور اپیل بھی کی۔
Mumbai, Maharashtra: NCP candidate and Deputy Chief Minister Sunetra Pawar is leading in the Baramati by-elections.
She says, “The election held in Baramati especially reflects the trust, love, and sentiments people had for Ajit Dada, which have been expressed through this… pic.twitter.com/H5a4v5DUIe
— IANS (@ians_india) May 4, 2026
شردپوار اورسپریا سولے کا ادا کیا شکریہ
سنیترا پوار نے اس موقع پرچچا شرد پواراور سپریا سولے کی جم کرتعریف کرکے سب کو حیران کردیا۔ این سی پی سربراہ نے بتایا کہ شروعات میں شرد پوار نے کہا تھا کہ وہ کوئی امیدوار نہیں اتاریں گے، جسے وہ ایک بڑی حمایت کے طورپر دیکھتی ہیں۔ انہوں نے اعتراف کیا کہ اب تک سپریا سولے اورپوار خاندان نے عوام کے درمیان جس طرح کا اعتماد اورخدمت کا جذبہ قائم کیا ہے، وہ قابل تعریف ہے۔ سنیترا پوار نے وعدہ کیا کہ وہ خاندان کی اس وراثت اور عوامی خدمت کی روایت کو آگے بڑھانے کی پوری کوشش کریں گی۔
بھارت ایکسپریس اردو-
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
