نئی دہلی: مشرقی دہلی کے لکشمی نگر علاقے میں ہفتہ کی دیر رات ایک رہائشی علاقے میں خوفناک آگ لگ گئی، جس کے باعث چار عمارتیں متاثر ہوئیں اور تقریباً 14 فلیٹس اس کی زد میں آ گئے۔ واقعہ نے علاقے میں خوف و ہراس پھیلا دیا اور مقامی لوگ گھروں سے باہر نکل آئے۔ عینی شاہدین کے مطابق آگ سب سے پہلے ایک ٹرانسفارمر میں لگی، جس کے بعد اس سے نکلنے والی چنگاریاں تیزی سے قریبی عمارتوں تک پھیل گئیں۔ دیکھتے ہی دیکھتے آگ نے شدت اختیار کر لی اور کئی رہائشی عمارتوں کو اپنی لپیٹ میں لے لیا۔
فائر بریگیڈ حکام کے مطابق رات تقریباً 12 بج کر 45 منٹ پر آگ لگنے کی اطلاع موصول ہوئی، جس کے فوراً بعد امدادی ٹیمیں موقع پر پہنچ گئیں۔ حالات کی سنگینی کو دیکھتے ہوئے مجموعی طور پر 8 فائر بریگیڈ گاڑیاں تعینات کی گئیں۔ فائر فائٹرز نے کئی گھنٹوں کی مسلسل کوشش کے بعد آگ پر قابو پا لیا۔فائر ڈیپارٹمنٹ کے اسسٹنٹ ڈویژنل آفیسر راجیش کمار شکلا کے مطابق بروقت کارروائی کے باعث آگ کو مزید پھیلنے سے روک لیا گیا، جس سے بڑا جانی نقصان ٹل گیا۔ خوش آئند بات یہ ہے کہ اس حادثے میں کسی جانی نقصان کی اطلاع نہیں ملی، قابل ذکر بات یہ ہے کہ املاک کو کافی نقصان پہنچا ہے۔
VIDEO | Delhi: Fire broke out in a residential building in Ramesh Park under Laxmi Nagar Police Station late last night. #DelhiNews #Fire
(Source: Third Party)
(Full video available on PTI Videos – https://t.co/n147TvrpG7) pic.twitter.com/iQpmLSW7HJ
— Press Trust of India (@PTI_News) April 25, 2026
واقعے کے بعد پولیس اور دیگر متعلقہ ادارے بھی موقع پر پہنچ گئے اور علاقے کو گھیرے میں لے لیا گیا۔ متاثرہ عمارتوں کے مکینوں کو محفوظ مقامات پر منتقل کر دیا گیا ہے۔ حکام کا کہنا ہے کہ آگ لگنے کی اصل وجہ جاننے کے لیے تحقیقات شروع کر دی گئی ہیں۔ مقامی لوگوں کا کہنا ہے کہ علاقے میں بجلی کے ٹرانسفارمرز کی حالت پہلے سے خراب تھی اور کئی بار شکایات بھی درج کرائی گئی تھیں، مگر بروقت کارروائی نہ ہونے کے باعث یہ حادثہ پیش آیا۔ رہائشیوں نے انتظامیہ سے مطالبہ کیا ہے کہ ایسے واقعات کی روک تھام کے لیے فوری اقدامات کیے جائیں تاکہ مستقبل میں اس طرح کے حادثات سے بچا جا سکے۔
بھارت ایکسپریس اردو
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
