تمل ناڈو کے کڈلور ضلع میں ایک بڑا حادثہ پیش آیا، جس میں دو طالب علموں کی موت ہو گئی اور کئی زخمی ہو گئے۔ کڈلور کے سیمبانکوپم میں اسکول بس ریلوے ٹریک کو عبور کر رہی تھی کہ ٹرین نے آکر اسے زور سے ٹکر مار دی۔ حادثے کی اطلاع ملتے ہی ریلوے نے فوری طور پر ایک ریلیف ٹرین کو موقع پر روانہ کیا۔ معلومات کے مطابق زخمی طلباء کو اسپتال میں داخل کرایا گیا ہے۔دراصل اسکول بس ڈرائیور ریلوے ٹریک کراس کرتے ہوئے ٹرین کو نہیں دیکھ سکا اور اس کی وجہ سے بس ٹرین کے نیچے آگئی۔ تازہ ترین معلومات کے مطابق اس حادثے میں 6 طلباء زخمی ہوئے ہیں۔ زخمیوں کو کڈلور کے سرکاری اسپتال میں داخل کرایا گیا ہے۔ ریلوے کی طبی امدادی وین بھی موقع پر پہنچ گئی۔
#WATCH | Tamil Nadu | School bus crossing railway tracks hit by train in Sembankuppam, Cuddalore District
Details awaited. pic.twitter.com/uk6vYz6hhf
— ANI (@ANI) July 8, 2025
اے این آئی کی رپورٹ کے مطابق ابتدائی تحقیقات میں یہ بات سامنے آئی ہے کہ ٹرین کے آنے کی اطلاع ملنے کے بعد گیٹ کیپر پھاٹک بند کر رہا تھا لیکن اسکول بس ڈرائیور نے درخواست کی اور ریلوے ٹریک عبور کرنے پر اصرار بھی کیا۔ جنوبی ریلوے نے بھی اس حوالے سے ایک بیان جاری کیا ہے۔ ریلوے نے کہا، “اسکول بس ڈرائیور نے پھاٹک عبور کرنے پر اصرار کیا تھا، لیکن اس کی اجازت نہیں دی جانی چاہیے تھی۔ سیکورٹی، آپریشنز اور انجینئرنگ برانچوں کے عہدیداروں کی ایک کمیٹی واقعے کی تحقیقات کر رہی ہے۔ریلوے کراسنگ جہاں حادثہ پیش آیا وہاں کے گیٹ کیپر کو غفلت برتنے پر معطل کر دیا گیا ہے۔
تمل ناڈو کے وزیر اعلیٰ ایم کے اسٹالن نے اس المناک حادثے پر افسوس کا اظہار کرتے ہوئے جس میں دو طالب علموں کی جانیں چلی گئیں، زخمیوں اور ہلاک ہونے والے طلباء کے لواحقین کے لیے معاوضہ کا اعلان کیاہے۔ایک ایکس پوسٹ میں انہوں نے لکھا کہ میں نے حکم دیا ہے کہ اس حادثے میں جان کی بازی ہارنے والے بچوں کے والدین کو چیف منسٹر ریلیف فنڈ سے 5 لاکھ روپے کی رقم فراہم کی جائے، اس کے علاوہ شدید زخمیوں اور زیر علاج افراد کے لیے ایک ایک لاکھ روپے اور معمولی زخمی ہونے والوں کے لیے 50،000 روپے ہر ایک کو دینے کا حکم دیا ہے۔
கடலூர் செம்மங்குப்பதில் நடந்த விபத்தில், இரண்டு இளம் மாணவர்களின் உயிர்கள் பறிபோன துயரச் செய்தியால் அதிர்ச்சியும் வேதனையும் அடைந்தேன்.
உயிரிழந்த மாணவச் செல்வங்களான நிமிலேஷ் மற்றும் சாருமதி ஆகியோரது பெற்றோருக்கும் – உறவினர்களுக்கும் – நண்பர்களுக்கும் ஆழ்ந்த இரங்கலையும் ஆறுதலையும்…
— M.K.Stalin (@mkstalin) July 8, 2025
بتادیں کہ ملک میں اب تک ریلوے ٹریکس پر کئی حادثات ہوچکے ہیں۔ ان میں سے زیادہ تر حادثات جلد بازی کی وجہ سے ہوئے ہیں۔ ریلوے ٹریک کراس کرتے ہوئے ٹرین کو نظر انداز کرنا جان لیوا ثابت ہوا ہے۔ کئی بار پھاٹک کے نیچے سے بائک یا سکوٹر نکالنے والے لوگ بھی ٹرین کی زد میں آ چکے ہیں۔ ٹرین کی ٹکر سے کئی لوگ جان کی بازی ہار چکے ہیں۔
بھارت ایکسپریس۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
