سنبھل میں کولڈ اسٹوریج منہدم، 30-40 مزدوروں کے پھنسے ہونے کا خدشہ
Cold Store Building Collapsed: اتر پردیش کے سنبھل ضلع سے ایک بڑی خبر سامنے آئی ہے۔ یہاں چندوسی کے موائی گاؤں میں کولڈ اسٹور کی عمارت منہدم ہونے کی وجہ سے اس کے نیچے کام کرنے والے مزدور دب گئے۔ شبہ ہے کہ حادثے کے وقت 30 سے 40 کے قریب مزدور کام کر رہے تھے اور بڑی تعداد میں آلو کی بوریاں رکھی ہوئی تھیں۔ یہاں امونیا گیس کے اخراج کی وجہ سے ریسکیو ٹیم کو امدادی کاموں میں کافی مشکلات کا سامنا ہے۔ خبر لکھے جانے تک تین مزدوروں کو زندہ نکال لیا گیا تھا۔
یہ بھی پڑھیں- Indian Army Helicopter Crashed: ہندوستانی فوج کا ہیلی کاپٹر گر کر تباہ، پائلٹ کی تلاش میں سرچ مہم شروع
उत्तर प्रदेश: संभल के चंदौसी इलाके में आलू कोल्ड स्टोरेज की छत गिरी। घटनास्थल पर राहत और बचाव कार्य जारी है। SDRF की टीम मौके पर मौजूद है। https://t.co/e3AgjZ6nJt pic.twitter.com/QeLHYaFDzq
— ANI_HindiNews (@AHindinews) March 16, 2023
12 جے سی بی اور پولیس فورس کے ساتھ اعلیٰ افسران بچاؤ کام کے لیے موجود ہیں۔ واضح رہےکہ اے آر کولڈ سٹوریج میں حادثے کے بعد افراتفری کا ماحول ہے، جن لوگوں کے لواحقین ملبے تلے دبے ہوئے ہیں، ان کا رو رو کر برا حال ہے۔ حالانکہ جے سی بی کے ذریعے ملبہ ہٹایا جا رہا ہے۔ بتایا جا رہا ہے کہ لوگوں نے کولڈ سٹور میں امدادی کام سست روی کا الزام لگاتے ہوئے اسلام نگر روڈ کو بلاک کر دیا ہے۔ اس کے پیش نظر پی اے سی کو بھی بلایا گیا ہے۔ بھیڑ کو کنٹرول کرنے کے لیے پی اے سی کو لاٹھیوں کا استعمال کرنے پر بھی مجبور کیا گیا ہے۔ انتظامیہ کے اہلکار موقع پر پہنچ گئے ہیں۔
واقعہ کے بعد سے ایس ڈی ایم چندوسی موقع پر موجود ہیں۔ کولڈ اسٹور کے مالک کا نام انکور اگروال بتایا جا رہا ہے۔ فی الحال واقعہ کے تقریباً دو گھنٹے بعد بھی انتظامیہ بچاؤ اور راحت کے کاموں میں مصروف ہے اور ابھی تک اس بات کی تصدیق نہیں ہو سکی ہے کہ چھت گرنے سے، اندر کام کر رہے کتنے مزدور ملبے کے نیچے دبے ہیں۔ فی الحال این ڈی آر ایف کی ٹیم موقع پر پھنسے ہوئے مزدوروں کو نکالنے کا کام کر رہی ہے۔ سنبھل اور بدایوں اضلاع کے تمام افسران موقع پر تعینات ہیں۔
महाराज जी ने घायलों के शीघ्र स्वास्थ्य लाभ की कामना करते हुए उनके उपचार की समुचित व्यवस्था हेतु भी जिला प्रशासन के अधिकारियों को निर्देशित किया है।
— Yogi Adityanath Office (@myogioffice) March 16, 2023
وزیر اعلیٰ یوگی نے لیا نوٹس
وزیر اعلیٰ یوگی نے بھی اس واقعہ کی جانکاری لی ہے اور راحت اور بچاؤ کا کام تیزی سے مکمل کرنے کی ہدایات دی ہیں۔ ڈی آئی جی مرادآباد شلبھ ماتھر بھی موقع پر پہنچ گئے ہیں۔
-بھارت ایکسپریس
