اتر پردیش کے وزیر اعلی یوگی آدتیہ ناتھ نے غازی پور ضلع کے رہنے والے بی ایس ایف جوان اکھلیش کمار رائے ، جو چھتیس گڑھ میں ڈیوٹی کرتے ہوئے شہید ہوئے تھے کو خراج عقیدت پیش کیا ہے ۔ سی ایم یوگی نے شہید ہونے والے فوجی کے اہل خانہ کو 50 لاکھ روپے کی مالی امداد دینے کابھی اعلان کیا ہے۔ انہوں نے اکھلیش کمار رائے کے خاندان کے ایک فرد کو سرکاری نوکری دینے اور شہید فوجی کے نام پر ضلع کی ایک سڑک کا نام رکھنے کا بھی اعلان کیا ہے۔
मुख्यमंत्री श्री @myogiadityanath जी महाराज ने छत्तीसगढ़ में कर्तव्य पालन के दौरान वीरगति को प्राप्त हुए जनपद गाजीपुर निवासी, BSF के जवान श्री अखिलेश कुमार राय जी को विनम्र श्रद्धांजलि अर्पित करते हुए शोक संतप्त परिजनों के प्रति अपनी संवेदनाएं व्यक्त की हैं।
महाराज जी ने शहीद के…
— Yogi Adityanath Office (@myogioffice) December 15, 2023
فوجی کے اہل خانہ کی مدد کی جائے گی: سی ایم یوگی
شہیدفوجی اکھلیش کمار رائے کے اہل خانہ سے تعزیت کا اظہار کرتے ہوئے وزیر اعلیٰ یوگی نے کہا کہ ریاستی حکومت غم کی اس گھڑی میں ان کے ساتھ ہے۔ ریاستی حکومت شہید ہونے والے فوجی کے اہل خانہ کو ہر ممکن مدد فراہم کرے گی۔آپ کو بتا دیں کہ جمعرات کو چھتیس گڑھ کے کانکیر ضلع میں نکسلیوں نے ایک بار پھر جان لیوا حملہ کیا۔ بارڈر سیکورٹی فورس (بی ایس ایف) کے سپاہی اکھلیش کمار رائے نکسلیوں کے آئی ای ڈی دھماکے میں شہید ہو گئے۔ آپ کو بتاتے چلیں کہ حال ہی میں ایک ایسا ہی دھماکہ ہوا تھا، جس میں ایک فوجی اپنی جان سے ہاتھ دھو بیٹھا تھا۔ تاہم نکسلیوں کے خلاف تلاشی مہم کو تیز کر دیا گیا ہے اور سیکورٹی فورسز انہیں ختم کرنے کی ہر ممکن کوشش کر رہی ہے۔
بھارت ایکسپریس۔
