اتراکھنڈ کے اترکاشی ضلع کے دھرالی گاؤں میں منگل کے روز بادل پھٹنے کے باعث بڑا حادثہ پیش آیا۔ اس حادثے میں کم از کم چار افراد کی موت ہو چکی ہے، جبکہ تقریباً پچاس افراد لاپتہ بتائے جا رہے ہیں۔ پہاڑوں سے آنے والے شدید پانی اور ملبے نے ندی کنارے بسے کئی گھروں کو مکمل طور پر تباہ کر دیا ہے۔
A massive flash flood swallows houses in #Uttarkashi as people scream in fear. As per authorities many people feared trapped.@ukcmo #Uttarkhand #Cloudburst#Rainfall#Himalaya pic.twitter.com/Ja8qVzGtL7
— The Environment (@theEcoglobal) August 5, 2025
گنگوتری دھام کے نزدیک واقع علاقے میں خطرناک صورتحال
یہ واقعہ گنگوتری دھام اور مکھوا کے قریب واقع دھرالی گاؤں میں پیش آیا۔ بادل پھٹنے کے بعد نالا اچانک خطرناک حد تک اُبل پڑا، جس سے نچلے علاقوں میں زبردست تباہی ہوئی۔ ضلع مجسٹریٹ پرشانت آریہ کے مطابق، اب تک چار افراد کے جاں بحق ہونے کی تصدیق ہو چکی ہے اور بہت سے لوگ اب بھی لاپتہ ہیں۔
بارش کا سلسلہ جاری، مزید خطرے کا خدشہ
علاقے میں مسلسل بارش جاری ہے جس کے سبب مزید بادل پھٹنے کے خطرے کو رد نہیں کیا جا سکتا۔ نالے کے پانی اور ملبے کے تیز بہاؤ سے لوگوں میں خوف و ہراس پھیل گیا ہے۔ متعدد مکانات ملبے میں دب چکے ہیں اور کئی افراد کے پھنسے ہونے کا خدشہ ظاہر کیا جا رہا ہے۔
ریسکیو آپریشن جاری، سی ایم دھامی اور وزیر داخلہ سرگرم
ضلع انتظامیہ، پولیس، ایس ڈی آر ایف، این ڈی آر ایف، آرمی اور دیگر ادارے جائے وقوعہ پر راحت اور بچاؤ کے کام میں مصروف ہیں۔ وزیراعلیٰ پشکر سنگھ دھامی نے واقعے پر گہرے رنج و غم کا اظہار کرتے ہوئے کہا کہ “یہ واقعہ نہایت دردناک ہے۔ تمام ایجنسیاں جنگی سطح پر امدادی کام میں مصروف ہیں۔” مرکزی وزیر داخلہ امت شاہ نے بھی اتراکھنڈ کے وزیراعلیٰ سے بات کر کے مکمل مدد کی یقین دہانی کرائی ہے۔ این ڈی آر ایف اور آئی ٹی بی پی کی ٹیمیں پہلے ہی موقع پر روانہ کی جا چکی ہیں۔
لوگوں کو الرٹ رہنے کی اپیل، گنگوتری سے رابطہ منقطع
انتظامیہ نے عوام سے ندی کے کنارے نہ جانے کی اپیل کی ہے اور تمام لوگوں کو محفوظ مقامات پر منتقل ہونے کی ہدایت دی گئی ہے۔ نالے کے طغیانی نے دھرالی بازار اور گھروں کو شدید نقصان پہنچایا ہے۔ بادل پھٹنے کے باعث گنگوتری دھام کا ضلع ہیڈکوارٹر سے رابطہ مکمل طور پر منقطع ہو گیا ہے۔ یہ واقعہ ایک بار پھر پہاڑی ریاستوں میں شدید بارش، لینڈ سلائیڈ اور بادل پھٹنے جیسے خطرات کی سنگینی اور فطرت سے چھیڑ چھاڑ کے نتائج کو ظاہر کرتا ہے۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
