وزیراعظم نریندر مودی دو روزہ سرکاری دورے پر برطانیہ میں ہیں ،جہاں دوطرفہ امور پر برطانوی حکومت کے ساتھ مذاکرات ومعاہدے ہورہے ہیں ۔ اسی دوران پی ایم مودی کی دیگر پروگراموں میں شرکت بھی درج کی گئی ہے۔ پی ایم مودی کی آمد کی مناسبت سے چیکرز میں ایک نمائش کا انعقاد کیا گیاتھا جس میں ہندوستان اور برطانیہ دونوں کے ثقافتی ملن کی ایک خوبصورت تصویر دیکھنے کو مل رہی تھی۔ وزیراعظم نے نہ صرف نمائش کا گھوم کر مشاہدہ کیا بلکہ اسی نمائش گاہ میں موجود ایک چائے کے اسٹال پر برطانوی ہم منصب کے ساتھ چائے بھی نوش کی۔ اس نمائش اور چائے پینے کی تصویر شیئر کرتے ہوئے پی ایم مودی نے ایکس پر اپنے پوسٹ میں خوشی کا اظہار کیا اور دونوں ملکوں کے ثقافتی تعلقات کو قدیم بتاتے ہوئے دونوں ممالک کیلئے اہم قرار دیا ۔
At Chequers, PM Keir Starmer and I saw an exhibition which gave a glimpse of the strong economic linkages between India and the UK. With the signing of CETA, these linkages will rise manifold.@Keir_Starmer @10DowningStreet pic.twitter.com/lFuvJOIDt6
— Narendra Modi (@narendramodi) July 24, 2025
بتادیں کہ وزیر اعظم نریندر مودی نے جمعرات کو چیکرز میں اپنے پرتپاک استقبال کے لیے برطانیہ کے وزیر اعظم کیئر اسٹارمر کا شکریہ ادا کیا۔ پی ایم مودی نے کہا کہ ان کی بات چیت ہندوستان-برطانیہ تعلقات کو گہرا کرنے کے مشترکہ عزم کی عکاسی کرتی ہے۔ سوشل میڈیا پلیٹ فارم ’ایکس‘ پر ایک پوسٹ میں پی ایم مودی نے کہا کہ ’’چیکرز میں پرتپاک استقبال کے لیے پی ایم کیئر اسٹارمر کا شکریہ۔ ہماری بات چیت تمام شعبوں میں ہندوستان-برطانیہ کے تعلقات کو گہرا کرنے کے مشترکہ عزم کی عکاسی کرتی ہے۔‘‘
‘Chai Pe Charcha’ with PM Keir Starmer at Chequers…brewing stronger India-UK ties! @Keir_Starmer pic.twitter.com/sY1OZFa6gL
— Narendra Modi (@narendramodi) July 24, 2025
وہیں آج پی ایم مودی اور کیئر اسٹارمر کی موجودگی میں ہندوستان اور برطانیہ کے درمیان ایف ٹی اے پر دستخط کیے گئے۔ واضح رہے کہ پی ایم مودی برطانیہ کے دو روزہ سرکاری دورے پر ہیں۔ پی ایم مودی نے جامع اقتصادی اور تجارتی معاہدے (سی ای ٹی اے) پر دستخط کو ہندوستان-برطانیہ تعلقات کے ایک نئے باب کے طور پر سراہا ہے۔
ہندوستان اور برطانیہ کے درمیان ’’تاریخی معاہدہ‘‘ پر کیا خوشی کا اظہار
سوشل میڈیا پلیٹ فارم ’ایکس‘ پر انھوں نے لکھا کہ ’’ہندوستان-برطانیہ اقتصادی شراکت داری میں آج ایک نیا باب شروع ہو رہا ہے! جامع اقتصادی اور تجارتی معاہدے (CETA) پر دستخط تجارت کو بڑھانے، جامع ترقی کو آگے بڑھانے اور کسانوں، خواتین، نوجوانوں، MSMEs اور پیشہ ور افراد کے لیے مواقع پیدا کرنے کے لیے ہماری مشترکہ عزم کی عکاسی کرتا ہے۔‘‘
بھارت ایکسپریس
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
