سینٹرل بورڈ آف سیکنڈری ایجوکیشن(CBSE) کی 12ویں جماعت کے سپلیمنٹری یعنی کمپارٹمنٹ امتحان میں شامل طلبہ کے لیے بدھ کا دن راحت کی خبر لے کر آیا۔ بورڈ نے 12ویں جماعت کے سپلیمنٹری امتحان 2026 کا نتیجہ جاری کر دیا ہے۔ جن طلبہ نے اپنے نمبر بہتر کرنے یا کمپارٹمنٹ امتحان پاس کرنے کے لیے یہ امتحان دیا تھا، وہ اب اپنا نتیجہ آن لائن دیکھ سکتے ہیں۔طلبہ رزلٹ چیک کرنے کے ساتھ اپنی مارک شیٹ بھی ڈاؤن لوڈ کر سکتے ہیں۔ اس کے لیے انہیں سی بی ایس ای کی آفیشل ویب سائٹ، UMANG ایپ یا DigiLocker رزلٹ پورٹل کا استعمال کرنا ہوگا۔ سی بی ایس ای کے اعداد و شمار کے مطابق، 12ویں جماعت کے سپلیمنٹری امتحان کے لیے مجموعی طور پر 2,91,576 طلبہ نے رجسٹریشن کرایا تھا۔ ان میں سے 2,75,287 طلبہ امتحان میں شامل ہوئے۔ ان میں 1,11,056 طلبہ نے اپنے نمبروں میں بہتری کے مقصد سے امتحان دیا، جبکہ 1,64,231 طلبہ کمپارٹمنٹ زمرے میں شامل ہوئے۔اس مرتبہ کمپارٹمنٹ زمرے میں 53.08 فیصد طلبہ کامیاب ہوئے ہیں۔ یہ گزشتہ سال کے مقابلے میں نمایاں بہتری ہے۔ سال 2025 میں کمپارٹمنٹ زمرے کا کامیابی کا تناسب 38.36 فیصد رہا تھا۔ یعنی اس سال کامیاب ہونے والے طلبہ کی تعداد میں خاصا اضافہ ہوا ہے۔
ایسے چیک کریں اپنا رزلٹ
رزلٹ دیکھنے کے لیے طلبہ کو سب سے پہلے سی بی ایس ای کی آفیشل ویب سائٹ پر جانا ہوگا۔ ویب سائٹ کے ہوم پیج پر 12ویں جماعت کے سپلیمنٹری امتحان کے رزلٹ سے متعلق لنک پر کلک کرنا ہوگا۔ اس کے بعد لاگ اِن پیج کھلے گا۔یہاں طلبہ کو مطلوبہ معلومات، جیسے رول نمبر، ایڈمٹ کارڈ نمبر اور اسکول نمبر درج کرنا ہوگا۔ اس کے علاوہ تاریخ پیدائش یا والدہ کا نام جیسی ضروری معلومات بھی طلب کی جا سکتی ہیں۔ معلومات جمع کراتے ہی رزلٹ اسکرین پر ظاہر ہوجائے گا۔رزلٹ دیکھنے کے بعد طلبہ اپنا اسکور کارڈ ڈاؤن لوڈ کرلیں۔ بہتر ہوگا کہ مستقبل میں کالج میں داخلے یا دیگر ضروری کاموں کے لیے اس کی ایک یا دو پرنٹ کاپیاں بھی محفوظ رکھیں۔
جولائی میں ہوا تھا امتحان
سی بی ایس ای نے رواں سال 12ویں جماعت کا کمپارٹمنٹ امتحان 28 جولائی 2026 کو منعقد کیا تھا۔ گزشتہ سال 12ویں جماعت کا سپلیمنٹری امتحان 15 جولائی 2025 کو ہوا تھا اور اس کا نتیجہ یکم اگست 2025 کو جاری کیا گیا تھا۔ وہیں اس سال امتحان 28 جولائی کو منعقد کیا گیا۔جن طلبہ نے سی بی ایس ای 12ویں جماعت کا سپلیمنٹری امتحان کامیاب کرلیا ہے، وہ اب ملک بھر کی مختلف یونیورسٹیوں اور اعلیٰ تعلیمی اداروں میں 27-2026 کے تعلیمی سیشن کے لیے انڈرگریجویٹ (UG) داخلے کی کارروائی مکمل کرسکتے ہیں۔
بھارت ایکسپریس اردو۔
بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔
