Bharat Express DD Free Dish
Bharat Express DD Free Dish
  1. Home » قومی » Bombay High Court sought response from Maharashtra Government: ذیشان صدیقی کی کیوں کم کی گئی سیکورٹی؟ 10 دنوں میں دینا ہوگا جواب، بامبے ہائی کورٹ کا مہاراشٹرحکومت کو نوٹس

Bombay High Court sought response from Maharashtra Government: ذیشان صدیقی کی کیوں کم کی گئی سیکورٹی؟ 10 دنوں میں دینا ہوگا جواب، بامبے ہائی کورٹ کا مہاراشٹرحکومت کو نوٹس

بامبے ہائی کورٹ نے این سی پی لیڈر ذیشان صدیقی کی سیکورٹی میں تخفیف پرمہاراشٹر حکومت سے جواب مانگا ہے۔ جان سے مارنے کی دھمکیوں کے باوجود سیکورٹی کم کرنے کے فیصلے پر عدالت نے سوال اٹھائے۔ عدالت نے 10 دنوں میں ریویو کرنے اورحلف داخلہ کرنے کا حکم دیا۔ آئندہ سماعت 26 دسمبرکو ہوگی۔

بدلاپور انکاؤنٹر

بامبے ہائی کورٹ نے جان سے مارنے کی دھمکیوں کے درمیان این سی پی لیڈربابا صدیقی کے بیٹے ذیشان صدیقی کی سیکورٹی کم کرنے پرمہاراشٹرحکومت سے جواب مانگا ہے۔ معاملے کی آئندہ سماعت 26 دسمبرکو وکیشن کورٹ میں ہوگی۔ بامبے ہائی کورٹ نے این سی پی کے سابق رکن اسمبلی ذیشان صدیقی اوران کی فیملی کی سیکورٹی واپس لینے کو چیلنج دینے والی عرضی پرسماعت کی۔ عدالت نے انڈرورلڈ سے مسلسل مل رہی دھمکیوں کے باوجود ذیشان صدیقی کی سیکورٹی کم کرنے کے مہاراشٹرحکومت کے فیصلے پرسوال اٹھائے۔ ذیشان صدیقی کی طرف سے وکیل پردیپ گھرات نے عدالت کو بتایا کہ فیملی کواس سال اپریل اوراگست میں بھی باربارجان سے مارنے کی دھمکیاں ملی ہیں۔

26 دسمبرکو ہوگی آئندہ سماعت

انہوں نے بتایا کہ حال کے دنوں میں ذیشان صدیقی کی سیکورٹی گھٹاکر1+1 کردی گئی تھی، جسے مخالفت کے بعد ہی 2+2 کردی گئی تھی، جسے مخالفت کے بعد ہی 2+2 کیا گیا۔ بینچ نے ریاست کی بنائی سیکورٹی جانچ کمیٹی کو10 دنوں کے اندرذیشان کی سیکورٹی انتظام کا ریویوکرنے کا حکم دیا اورریاستی حکومت سے سیکورٹی کم کرنے سے پیچھے کی وجہ بتاتے ہوئے ایک ایفیڈیوٹ فائل کرنے کا حکم دیا۔ آئندہ سماعت 26 دسمبرکوویکیشن کورٹ میں ہوگی۔

ذیشان کوڈی کمپنی سے ملی تھی دھمکی

اسی سال اپریل میں ذیشان صدیقی کوای میل کے ذریعہ جان سے مارنے کی دھمکی دی گئی تھی، جس نے دھمکی دی، اس نے خود کو ’ڈی‘ کمپنی (داود ابراہیم) کا رکن بتایا اورذیشان سے 10 کروڑروپئے کی پھروتی مانگی۔ دھمکی میں کہا گیا کہ اگرپیسے نہیں دیئے گئے تووالد کی طرح ہی قتل کردیا جائے گا۔ ای میل میں لارنس بشنوئی گینگ کے کردارکوبھی خارج کیا گیا۔ ذیشان صدیقی نے اس کی شکایت پولیس سے کی اورجانچ ہوئی۔ حالانکہ بعد میں ایک شخص کوگرفتاربھی کیا گیا، جو بیرون ملک سے دھمکی بھیج رہا تھا۔

بابا صدیقی کے بیٹے ہیں ذیشان صدیقی

ذیشان صدیقی کی مہاراشٹر کے سابق وزیربابا صدیقی کے بیٹے ہیں۔ ذیشان ممبئی کے باندرہ ایسٹ سے 2019 میں کانگریس کے ٹکٹ پررکن اسمبلی منتخب کئے گئے تھے۔ بعد میں وہ کانگریس سے این سی پی (اجیت پوار گروپ) میں شامل ہوگئے۔ سال 2024 کے اسمبلی الیکشن میں وہ اس سیٹ سے ہارگئے تھے۔

بھارت ایکسپریس اردو۔

بھارت ایکسپریس اردو، ہندوستان میں اردوکی بڑی نیوزویب سائٹس میں سے ایک ہے۔ آپ قومی، بین الاقوامی، علاقائی، اسپورٹس اور انٹرٹینمنٹ سے متعلق تازہ ترین خبروں اورعمدہ مواد کے لئے ہماری ویب سائٹ دیکھ سکتے ہیں۔ ویب سائٹ کی تمام خبریں فیس بک اورایکس (ٹوئٹر) پربھی شیئر کی جاتی ہیں۔ برائے مہربانی فیس بک (bharatexpressurdu@) اورایکس (bharatxpresurdu@) پرہمیں فالواورلائک کریں۔ بھارت ایکسپریس اردو یوٹیوب پربھی موجود ہے۔ آپ ہمارا یوٹیوب چینل (bharatexpressurdu@) سبسکرائب، لائک اور شیئر کرسکتے ہیں۔

Also Read

تازہ ترین خبریں