بی جے پی کے قومی صدر جے پی نڈا (تصویر: ٹوئٹر)
BJP President JP Nadda in Ghazipur: اترپردیش کے غازی پور میں بی جے پی کے قومی صدر جے پی نڈا اور اترپردیش کے وزیر اعلیٰ یوگی آدتیہ ناتھ نے پہواری بابا آشرم میں پوجا کی۔ اس کے بعد آئی ٹی آئی گراؤنڈ میں عوامی ریلی میں بی جے پی کے قومی صدر جے پی نڈا نے کہا کہ جمہوریت میں اپنے ووٹ کا صحیح استعمال کرنا بہت اہم ہے۔ غلط جگہ اگر بٹن دب جائے تو ‘مافیا راج’ آجاتا ہے۔ صحیح جگہ بٹن دب جائے تو میڈیکل کالج آجاتا ہے۔
بی جے پی کے قومی صدر جے پی نڈا نے کہا کہ آج 4 لین وارانسی-غازی پور ہائی وے اور اسی طرح ترقی کے نئے مواقع اس لئے ممکن ہوئے ہیں۔ آپ نے دہلی اوراترپردیش کے لئے صحیح بٹن دبایا اور ڈبل انجن کی حکومت اترپردیش میں کھڑی کردی۔ آج میں کہہ سکتا ہوں کہ غازی پور کی ترقی کبھی بھی پیچھے نہیں ہوئی۔
Interacting with Ex- Servicemen in Ghazipur, Uttar Pradesh. https://t.co/vroEnmcyNF
— Jagat Prakash Nadda (@JPNadda) January 20, 2023
کتنا بدل چکا ہے غازی پور: جے پی نڈا
جے پی نڈا نے کہا کہ آج جب میں آرہا تھا تو دیکھ رہا تھا کہ غازی پور کتنا بدل چکا ہے۔ پہلے کاشی سے غازی پور آنے میں گھنٹوں لگ جاتے تھے، لیکن آج کاشی سے غازی پور پہنچنے میں محض ڈیڑھ گھنتے لگتے ہیں۔ انہوں نے کہا کہ آج میں کہتا ہوں کہ ترقی کا ملطب HIRA ہے۔
H- کا مطلب ہائی وے
I- کا مطلب انفارمیشن
R- کا مطلب ریلوے
A- کا مطلب ایئروے
جے پی نڈا نے اکھلیش یادو پرکی تنقید
بی جے پی صدر جے پی نڈا نے کہا کہ یوگی آدتیہ ناتھ کی قیادت میں اترپردیش چھلانگ لگاتا ہوا آگے بڑھ رہا ہے۔ اکھلیش حکومت کے دوران جب ہم پیسہ دیتے تھے تو نیچے کٹورے میں چھید تھا، پیسہ کہیں اورنکل جاتا تھا۔ ان پیسوں سے زمین پرکام نہیں ہوتا تھا۔ آج گاؤں کی تصویربھی بدلی ہے۔ جے پی نڈا نے کہا کہ وزیراعظم غریب فلاحی اسکیموں کے ذریعہ سے غریب، استحصال زدہ، محروم، مصیبت زدہ اوردلتوں کو مفت اناج دیا جا رہا ہے۔
یوپی کے وزیراعلیٰ یوگی آدتیہ ناتھ نے غازی پورکے اسٹیج سے اپوزیشن پرکئی حملے کئے۔ اپنے خطاب کے آغازمیں وزیراعلیٰ نے بی جے پی کے قومی صدر جے پی نڈا کا استقبال کیا۔ انہوں نے کہا کہ ڈبل انجن کی سرکار نے جرائم کو ختم کرنے کا کام کیا ہے۔ مجرمین پرکیسے لگام لگائی گئی، اس کا جیتا جاگتا مثال غازی پور ہے۔
-بھارت ایکسپریس
